“Sangüesa II” eguzki-instalazio fotovoltaikoaren eta haren ebakuazio azpiegituren onura publikoaren deklarazioa Kasedan
Sektore Elektrikoari buruzko abenduaren 26ko 24/2013 Legearen 55. artikuluan eta abenduaren 1eko 1955/2000 Errege Dekretuaren 144. artikuluan ezarritakoa betez, jendaurrean jarri da honako espediente hau (5108-EK): • Xedea: proiektua eta ukitutako ondasun eta eskubideen zerrenda jendaurrean jartzea, onura publikokotzat jotzeko. • Deskribapena: “Sangüesa I” eguzkiinstalazio fotovoltaikoa, 20,9 mw-ekoa, eta horrekin lotutako transformazio eta ebakuazio-azpiegiturak Kasedan. • Eskatzailea: Metka EGN Solar 30, S.L.U. • Organo eskuduna: Energiako, Enpresen I+g+b-ko eta Ekintzailetzako Zuzendaritza Nagusia. Onura publikoko deklarazioak berarekin dakar, nolanahi ere, ondasunak okupatu beharra edo ukitutako eskubideak eskuratu beharra, eta presaz okupatu beharra ekarriko du, Nahitaezko Desjabetzeari buruzko 1954ko abenduaren 16ko Legearen 52. artikuluaren ondorioetarako. Enpresa eskatzailea onuradun bihurtuko da desjabetze-espedientean, lege beraren 2.2 artikuluan ezarritakoarekin bat etorriz. Espedientea jendaurrean egonen da Industria Antolamendu, Energia Azpiegitura eta Meategien Zerbitzuan (Tomás Caballero parkea, 1, 5. solairua, 31005 Iruña), kontsultatzeko aukera izan dadin. Halaber, esteka honen bidez eskuratzen ahalko da dokumentazioa: https://gobiernoabierto.navarra.es/eu/ gardentasuna/jendaurreko-informazioarentramitea/sanguesa-ii-eguzki-plantafotovoltaikoa-opd-espediente-5108-ce Alegazioak, iradokizunak edo oharrak idatziz aurkeztu beharko dira, 2024ko martxoaren 27tik maiatzaren 13ra arte, biak barne, edozein erregistro-bulegotan, Nafarroako Gobernuaren erregistro orokor elektronikoaren bidez edo Herri Administrazioen Administrazio Prozedura Erkideari buruzko urriaren 1eko 39/2015 Legearen 16. artikuluan aurreikusitako edozein modutan. Behar bezala jasotzeko, Industriako eta Enpresen Trantsizio Ekologikoa eta Digitalerako Departamentuko Industria Antolamendu, Azpiegitura Energetiko eta Meategien Zerbitzuko Azpiegitura Energetikoen Atalera jo beharko dute, espedientearen kodeari erreferentzia eginez.