La Voz de Galicia (Santiago) - El Comarcal Santiago
«O turismo rural galego é rico e variado»
CO turismo rural tampouco saíu ileso da crise que golpeou a economía. « Notouse unha caída grande», di Juan Luis López Díaz, presidente de Agatur, a asociación galega dun sector no que «tampouco moito, pero xa se vai notando a recuperación».
—¿Houbo que reciclarse ou arriscar con algunha estratexia para saír adiante?
— As estratexias hainas que cambiar constantemente, hai que ofrecer cousas diferenciadas. Hoxe, en Galicia temos ofertas ricas que varían en función da zona, o que fai que o turismo rural sexa moito máis dinámico.
—Falando desa oferta diferenciada por zonas, ¿como inflúe o Camiño de Santiago nas casas rurais do territorio que vertebra?
—O Camiño de Santiago é fundamental porque deu a coñecer, e segue dando a coñecer, moito máis Galicia. Quen nos visita a través do Camiño e ve as potencialidades que ten a comunidade regresa para facelo con máis lentitude ou para pasar uns días e non nunha zona concreta, senón, e o que é mais importante, para visitar distintas zonas. O Camiño é así moi importante como dinamizador das zonas con turismo rural e tamén das demais.
—A proliferación de albergues, vivendas e pisos turísticos, ¿pásalle factura ás casas rurais?
—Cada establecemento é diferente. Nós, ao principio, parecía que iamos ser unha gran competencia para o sector hoteleiro e non o
—¿Como valoran a proposta da Xunta de clasificar as casas rurais como os hoteis, con estrelas?
—É fundamental que todos os establecementos teñan unha clasificación. A das estrelas para o turismo rural igual é unha proposta acertada, tendo en conta que é un símbolo recoñecido internacionalmente, pero sempre que se aplique cunha diferenza que identifique ao turismo rural. Se os hoteis levan unha estrela dourada e as pensións azul, a que identifique ao turismo rural podería ser, por exemplo, en verde.