La Voz de Galicia (Santiago) - El Comarcal Santiago
Cinema sen fronteiras levedado no rural
A asociación Senunpeso leva dez anos espallando o audiovisual galego e formando novos talentos
Agromou como unhas xornadas de formación audiovisual e medrou ata independizarse no 2009. Nacía daquela Senunpeso, unha asociación cultural «máis centra no audiovisual e en darlle á xente ferramentas para entender o mundo» e para expresarse. Cóntao Moisés Álvarez, representante de Senunpeso, que traballa decote con tres obxectivos: dinamizar dende o rural, dende Vedra, pero con vocación de traspasar máis aló do concello e potenciar o audiovisual galego e facilitar o acceso ao coñecemento.
Senunpeso está centrada dende hai anos en dúas liñas de programación. Hai unha parte de formación e outra de difusión. O Laboratorio Audiovisual de Vedra (LAV) funcionou durante dez anos e agora continúa pero transformado no LAV.mov. «Nos cursos o público é bastante variado, dende os 15 aos 50 anos, máis ou menos», explica Álvarez, e ademais é un público maioritariamente chegado de fóra de Vedra. En realidade, converteuse nunha referencia formativa.
Logo está o ámbito da difusión do audiovisual galego, que se fai principalmente a través dun ciclo de verán que percorre as parroquias e proxecta para un público xeral e outro de inverno que está máis orientado a un público espe
cífico, con pezas que pretenden fomentar o coloquio e o debate. O penúltimo estivo por exemplo centrado no papel das mulleres na sociedade.