La Voz de Galicia (Santiago) - El Comarcal Santiago
JESSICA REY
«A enerxía eólica é mala por falta de planificación»
«Hai tecnoloxía para producir enerxía eólica e do sol nas nosas casas, e non se promove »
«Detrás están os mesmos que os do carbón, pero agora con outro recurso»
Colectivos como Salvemos a Comarca de Ordes, na que se integra xente de Ordes, Mesía, Frades, Trazo, Tordoia e Cerceda; a Asociación 3 de Maio, de Santa Cruz de Campolongo, en Negreira; veciños de Ponteceso, Mazaricos e A Baña; a plataforma Salvemos O Iribio; o colectivo Non Máis Eólicos, con integrantes de Coristanco, Carballo, Santa Comba e Tordoia, así como a asociación de afectados do parque eólico de Outes e Mazaricos, e o colectivo Quixote, de Outes, están unidos cun denominador común: o rexeitamento dos proxectos eólicos abusivos.
—Como calificaría o problema?
—Pois de invisible. Nos venden como moi sostible a enerxía, e o que realmente xera é algo moi distinto: especulación sobre o noso territorio coa escusa da transición enerxética, pero ao final non é tal.
—Falan de especulación.
—O que está pasando é que Galicia estase enchendo de proxectos de parques eólicos. Nós consideramos que a enerxía eólica é boa, pois se consegue dun recurso renovable que temos, como é o vento, pero é mala neste caso porque non existe planificación e estamos falando de parques que van rodear aldeas, a menos de 500 metros das casas, cuns macroeólicos duns 200 metros de altura.
—Iso significa que a afectación vai ser maior?
—Todos os terreos que están ata dous quilómetros de parques van perder valor, e non nolos van retribuír en nada. Afecta a centos e miles de explotacións agrícolas e forestais, precisamente pola ausencia de planificación e porque, no fondo, é unha cuestión de especulación. Os promotores de parques son os mesmos que os do carbón, pero agora o recurso é outro, e actúan da mesma maneira, con trámites moi opacos para todas as persoas.
—Tamén hai repotenciación de parques. ¿Iso é sostible?
—Se o obxectivo fose ese, o primeiro sería repotenciar os parques existentes, e apenas está sucedendo. E o segundo sería evitar perder enerxía e optimizar recursos como no transporte, onde se perde moita enerxía. Se facemos que Galicia sexa un territorio de produción de enerxía eólica masivamente, máis incluso da que necesitamos, o que vamos a ter que facer con ela despois é transportala fóra, que é onde máis se perde.
—¿Qué plantexamento fan ante a exportación de enerxía?
—Hai que producila o máis próxima aos centros de consumo e evitar ese malgasto de enerxía. Así non necesitariamos tantos parques. Outra cousa da que non se fala nada é de que nós mesmos podemos crear a enerxía nas nosas casas. Existe a tecnoloxía para poder aproveitarnos do vento e o sol.
—Que lles pon máis en alerta?
—Despois de copar moitos montes e algún espazo natural protexido, buscan conquistar cada vez máis territorio, que para eles é o principal valor, pois sen el non poderían facer o seu negocio. Os contratos que están pechando cos donos de fincas son ridículos e moi inxustos, porque hai unha especie de competición a ver quen chega antes para facer o seu parque. Agora o problema é que baixan dos montes cara as aldeas, onde están as casas e terreos de labradío. O grave é que a lei que regula isto quedou anticuada, é de hai 20 anos.