La Voz de Galicia (Santiago) - El Comarcal Santiago
Dodro sostible: a marca que goberna o desenrolo local
O Concello aposta por unha política respectuosa co medio ambiente
O Concello de Dodro aposta por un modelo de desenvolvemento local sostible. Deste xeito, ten en marcha un proxecto integral e multidisciplinar baixo o nome de Dodro Sostible, co obxectivo de poñer o foco sobre a necesidade de coidar o medio ambiente e de por en valor os recursos naturais do municipio. «Todas as actuacións que facemos no Concello están pensadas para ter un impacto mínimo no medio ambiente ou, se o teñen, que sexa favorable», sinala o alcalde Xabier Castro, que na presentación da iniciativa pediu a participación dos veciños para que o proxecto sexa un éxito xa que, di, «o equipo de goberno non quere que a redacción destes instrumentos de xestión se queden en meras declaracións de intencións a longo prazo».
O programa Dodro Sostible de-senrola rase ao longo de todo este ano, con posibilidade de continuidade en seguintes exercicios. A idea é facer accións coincidindo coas datas mundiais en defensa do medio natural. Ten un triplo obxectivo: atraer a atención da poboación sobre os problemas do medio ambiente; concienciar sobre a necesidade da súa protección e conservación e poñer en valor os recursos naturais de Dodro.
Para iso poñerá en marcha unha campaña de comunicación nas redes sociais e noutros formatos, coincidindo con datas a ambientais sinaladas para darlle visibilidade.
Neste programa xogan a favor, ademais, outras iniciativas que xa ten en marcha o Concello na liña de ir cara un territorio sostible.
Entre elas destaca o plan de mobilidade; a xestión da biomasa; a compostaxe doméstica e a adquisición de colectores para reciclar; obras de saneamento e a mellora da eficiencia enerxética en edificios de titularidade municipal.