La Voz de Galicia (Santiago) - El Comarcal Santiago
«Un domingo de fútbol é a miña liberación»
É unha apaixonada do fútbol. Sente devoción polo Xallas FC, onde o seu marido foi presidente, e reconfórtalle ver como o fútbol feminino gaña potencia [EMILIO FORJÁN]
a única muller entre os quince membros da actual xunta directiva da Federación Galega de Fútbol para o mandato 2018-2022. Recoñece que a chamada de Rafael Louzán Abal para representar ao fútbol da Costa da Morte supuxo un antes e un despois. Era concelleira de Deportes en Santa Comba, unha responsabilidade que vén de retomar trala moción de censura do pasado xuño pola que o Partido Popular recuperou a alcaldía.
—Como chega á Federación Galega de Fútbol?
—Pois nunha visita de Rafael Louzán a Santa Comba, cando dende o Concello estabamos estudando a viabilidade de renovar A Fontenla con céspede artificial, estivemos falando do fútbol da Costa e a paixón que levanta, e ao pouco tempo recibín a chamada do propio Louzán, xa cando gañou as segundas eleccións e propúxome formar parte da directiva e aceptei.
—E cal é a aprendizaxe?
—Aprendín moito nestes tres anos e axúdame no meu labor como concelleira. Hai xente na directiva que vén de distintos ámbitos coma a arbitraxe, ou mesmo da ensinanza, e dos cales aprendes moito.
—Como foi o cambio?
—Pois a maioría da xente nos campos da Costa coñecíame como a muller de Pedro. Sempre me acompañou Juan Luis Villamisar, vicepresidente por A Coruña para ir coñecendo ás persoas que están detrás dos clubes. Agora, síntome ben aceptada.
—É o fútbol a súa paixón?
—É a miña paixón. Quizais agora goce menos porque non teño tanto tempo, pero un domingo de fútbol é a miña liberación. Recoñezo que
«Non valoramos o suficiente o deporte, e temos que pedirlles aos políticos que invistan máis»
«Ao igual que outros van a un spa, eu vou a un campo de fútbol»
son moitos anos polos campos co meu marido e seguindo aos equipos do Xallas, pero gústame moito, ao igual que outros van a un spa, eu vou a un campo de fútbol.
—Agora ten máis visión de directiva que de club?
—Sigo tendo máis visión de club porque eu sigo axudando ao meu club. O que si teño claro é que a chegada de Rafael Louzán á Federación elevou o fútbol da Costa a que teña unha mellor e maior consideración en Galicia. Demostramos que somos capaces de organizar un gran evento deportivo como foi o das seleccións comarcais, e deixar o listón moi alto.
—Canto cre que evolucionou?
—Moito. Na Federación trabállase con moita rigurosidade. Se un club te chama ás doce da noite, tes que collerlle o teléfono, e iso aprendino do presidente. E iso, pasado á outra parte da miña vida que é a política, valeume para desenvolverme mellor.
—Gústalle o fútbol máis profesionalizado?
—Na Federación Galega foi clave a incorporación de Iván Cancela como responsable do Comité Galego de Adestradores. Profesionalizouse para que todos os adestradores teñan superado cursos e a formación e tecnificación sexa unha constante no fútbol galego.
—O Xallas estrea equipo feminino.
—É algo do que estou moi feliz, sobre todo por Bea, a presidenta, que é unha incansable traballadora. Creo que nestes últimos anos houbo unha aposta moi grande pola inclusión das rapazas nos equipos, que a ninguén lle pareza nada raro que poidan xogar cos rapaces. Este ano incorporouse a categoría cadete e demos o paso de crear equipos de 8 de rapazas.
—Invístese pouco no deporte?
—Nunca valoramos o suficiente o deporte, e é certo que temos que pedirlles aos políticos que invistan máis porque é algo que segue custando moito.