«Insistir para que se recoñeza a Pedronía»

O director do Grupo Hotel Scala sinala que Padrón ten que aproveitar ben o Ano Xacobeo

[UXÍA LÓPEZ] Coa chegada do novo ano, é momento de propósitos persoais e mesmo de obxectivos xerais, como no caso da administración máis próximo ao cidadá, os Concellos. No caso da capital do Sar, o feito de ser Ano Xacobeo leva a traballar para consolidar o Camiño da Pedronía, ese que, segundo testemuños históricos, percorrían os peregrinos que, unha vez pisada Compostela, iniciaban o tramo de volta cara a capital do Sar. Tamén é tempo de reforzar o papel de Padrón como berce da tradición xacobea. Así o ve tamén o director-xerente do Grupo Hotel Scala de Pazos, Manuel Vidal, quen fala de que «hai que seguir insistindo no recoñecemento do Camiño da Pedronía e a defensa de Padrón como berce do Xacobeo». Engade que «ven un ano xacobeo no que Padrón ten que apostar por aumentar o número de turistas que visitan a nosa vila. Non pode deixar escapar este ano que se presenta, ten que atraer o turista e peregrino estranxeiro e seguir loitando pola dinamización turística».

[M. ARES] Manuel Vidal conta que a recuperación estaba sendo moi boa, pero en Nadal houbo cancelacións