Nova oficina de turismo e escola de música municipal

O novo ano debera servir tamén para avanzar na construción da residencia e centro de día, unha vez que xa existe un proxecto que contempla 48 prazas en total. Falta o financiamento e a corporación local xa se manifestou a favor de que sexa a Xunta quen corra co orzamento. Poñer en marcha a nova oficina de turismo e a nova escola de música municipal, esta última na casa da antiga finca da azucreira, son outros dous dos obxectivos a acadar polo Concello de Padrón, xunto coa declaración da Pascua como festa de interese turístico autonómico. O que será unha realidade é a execución de obras para a ampliación da rede de saneamento e para a prevención de inundacións nos ríos Sar e Ulla, que suman máis de 4,5 millóns de euros.