La Voz de Galicia (Santiago) - El Comarcal Santiago
«Unha das peores cousas do noso traballo é facelo onde vives»
A súa cobertura de emerxencias chega a 46.000 persoas de Brión, Ames e Negreira, con doce efectivos [EMILIO FORJÁN]
OGrupo de Emerxencias Supramunicipais (GES) de Brión, que baixo distintas nomenclaturas dá servizo no seu municipio e nos de Ames e Negreira dende agosto de 1997, é unha referencia para unha área de 46.000 habitantes. A súa fronte figura Jorge Fernández Cobas, quen pertence ao seu cadro de persoal dende os seus inicios. —Cambiou moito a intervención fronte ás emerxencias? —Fomos mellorando en equipamento e agora mesmo ofrecemos tempos de resposta moi aceptables ante calquera emerxencia. Sempre saímos a todas as peticións do 112 Galicia.
—E cales son as principais intervencións?
—Incendios urbanos e accidentes de tráfico copan o groso, pero tamén rescates e ultimamente temos moitas aperturas de vivendas. E se me pregunta pola zona de maior actuación, xa lle digo que é O Milladoiro, porque tamén é a máis poboada, con máis de 13.000 habitantes e un polígono industrial importante. —Unha das súas demandas é centrarse só nas emerxencias? —A experiencia dinos que todo o que sexa facer intervencións doutros servizos empeora a atención de emerxencias, e para dar unha boa resposta necesitamos que no convenio queden claras estas funcións, e non realizar outras de distinta índole, aínda que no noso caso só se centran nas emerxencias. Tamén facemos retiradas de niños de velutina ou rescates de animais. Ter tres membros por garda melloraría a eficacia do servizo. —Cal é a peor experiencia nunha intervención?
«Aínda que esteas curtido é moi duro ver persoas que o perden todo nun incendio»
«Coa autoescala suplimos unha carencia nunha zona tan urbana como é a nosa»
—Fomos dos primeiros en chegar ao accidente do Alvia en Santiago e traballamos nas peores partes do tren. E, en xeral, unha das peores cousas do noso traballo é facelo onde vives e chegar a unha emerxencia de alguén que coñeces, algún amigo e, sobre todo, cando se trata de nenos. Pero tes que facer o traballo coa máxima profesionalidade e coa rapidez que permitan as circunstancias para o cal atesouramos moita formación e experiencia.
—E a coordinación cos bombeiros?
—Nos últimos anos son eles quen asumen o control. A coordinación é moi boa, pero a localización idónea da nosa sede, a carón da autovía AG-56, permítenos ter unha resposta de intervención moi rápida e eficaz cando se trata de salvar vidas nun rescate ou un incendio.
—Teñen un vehículo autoescala. —Pois aparte de renovar uniformes e prendas técnicas de máxima calidade para o noso traballo diario, a incorporación do vehículo autoescala automática (AEA) está sendo moi positiva. Ten unha lonxitude de 32 metros e en caso dunha emerxencia como un incendio ou un rescate, permítenos chegar aos edificios máis altos como os de Negreira. Digamos que foi unha das mellores adquisicións pensando en que estamos nunha contorna eminentemente urbana como Ames, onde a meirande parte da poboación reside en edificios colectivos.
—Con qué apoios contan? —O principal é o do Concello de Brión, que sempre estivo envorcado co servizo e sen o cal non poderiamos alcanzar a vintena de anos de existencia. Tamén están a Xunta e a Deputación, que financian cada un a súa parte dentro do convenio para o mantemento do servizo 24 horas. Ademais, temos concedido un novo equipo de excarceración por parte da Xunta e o Concello vai acometer unha ampliación da nosa base.