La Voz de Galicia (Santiago) - El Comarcal Santiago
«O festival Asnot é orixinal de Padrón; non se pode imitar»
O evento naceu na taberna O Rincón, na que o veciño impulsou a idea de recrear o ambiente das carreiras inglesas de cabalos, pero neste caso con burros
Ca taberna chamada O Rincón se plantou a semente do que hoxe é o coñecido festival Asnot de Padrón, que converte a vila nun gran decorado para parodiar as célebres carreiras de cabalos inglesas. A cita inaugurase mañá e continúa ata o domingo. Foi no ano 2014 cando comezou e detrás da idea está o veciño Antonio Pérez Rey (Padrón, 1969).
—¿Como naceu o Asnot?
—A idea xa rondaba por Padrón e eu, que se me facía moi aburrida a carreira de burros en si, pensei en darlle un plus, pero non sabía que ía ir polo camiño que foi ata chegar a todo o que hai este ano. Pensei o nome imitando as carreiras inglesas de Ascot e, de principio, pensei que ía ser unha [uxía lópez] das tantas festas que se montan en Padrón e non saen adiante, pero ese primeiro ano xa se veu que a idea gustaba e xa me dicían que ía funcionar.
—¿Que lembra das primeiras edicións?
—O segundo ano eu xa non tiña a taberna, senón a miña socia neste tema, Xiana Isabel Ferrón, e xa no terceiro ano incorporou o tema teatral coa caracterización da raíña, rexistramos a marca e a idea e xa empezamos a traballar máis en serio para que a cita medrara e se convertese nun festival fóra do Rincón. Foi unha boa decisión porque a idea sempre foi ir gañando prazas no pobo e que a festa chegara a todo o casco histórico.
—Contou con apoios dende o principio?
—Moi poucos, aínda que Estrella
«Se a edición deste ano é un éxito, ese é o camiño a seguir polo festival para que se consolide»
Galicia xa foi o piar económico fundamental cando demos o salto á praza de Baltar. Os principios foron bastante duros porque, ademais, ao Concello custoulle ver que isto podía medrar e non podíamos facer Asnot sen cartos e, por tanto, sen poñer as barras de bebidas nas prazas.
—A creación dunha asociación cultural para a organización supuxo un pulo para o festival? —Si, porque foi unha maneira de poder incrementar o orzamento coa solicitude de subvencións a Turismo ou á Deputación. —Este ano o festival dura tres días e ten novidades como o concurso de bandas ou o mercado de sombreiros. ¿Pensou algunha vez en chegar a isto? —Aínda non se consolidou como un festival sólido e con futuro. A idea deste ano pode chegar a ser a que pretendíamos, para que todos os padroneses se sintan orgullosos e participen nel. Non hai que esquecer que é unha comedia, na que os personaxes cobran vida polo que calquera pode participar, pero sempre co elemento que identifica ao Asnot: o sombreiro. Ou tamén mercando algún produto relacionado co festival. Se este ano sae ben, para o que é fundamental que o bo tempo acompañe, pode ser un proxecto de pobo, que nos una. Nesta edición colaboran economicamente moitos locais de hostalería e mesmo o comercio e ese é o camiño: remar todos na mesma dirección para ter e gozar dunha festa familiar e divertida.
—O festival, vai camiño de identificar a Padrón?
—Eu creo que si. Se a edición deste ano é un éxito, ese é o camiño a seguir. O que está claro é que este festival non o vas atopar noutro lado, é orixinal de Padrón e non se pode imitar.
—A que aspira Asnot? —Queremos que sexa un festival que o padronés identifique como seu, do que estea orgulloso, no que participe, colabore e goce.