La Voz de Galicia (Santiago) - El Comarcal Santiago
El Combo e París de Noia son os pratos fortes por San Pedro
A capital do Xallas celebra catro intensos días de festas patronais que teñen a súa culminación esta fin de semana
A localidade de Santa Comba honra ao seu patrón San Pedro con catro días consecutivos de festexos que teñen a súa culminación na fin de semana. Será entón cando cheguen dúas das formacións máis exitosas de Galicia: El Combo Dominicano, o venres 30 de xuño, e París de Noia, o sábado día 1 de xullo. Con dous días festivos consecutivos, o xoves 29 coa festividade de San Pedro e mailo venres 30, a comisión de festas apostou un ano máis por un ambicioso programa de catro días que veu precedido da celebración de San Xoán, cunha gran sardiñada e queimada popular, a noite do 23 a ritmo da disco móbil CDC.
O pistoletazo de saída veu da man da pregoeira, a arquitecta e popular presentadora do programa televisivo «Galicia bonita», Rosa María Facal Varela, cando ao concerto do grupo As Fillas de Cassandra, a maila verbena coa orquestra Gran Parada e Dj Rokiño. Un pistoletazo de saída por todo o alto, nas vésperas do día grande, o xoves 29, que está marcado polos pasacalles da agrupación de gaiteiros Axio Mouro, a misa ao patrón e unha sesión vermú coa orquestra Ritmo Joven. Pola noite repite esta formación acompañando ao grupo
Bomba, na segunda das catro verbenas preparadas pola comisión de festas.
O primeiro dos pratos fortes de San Pedro 2023 é a presenza en Santa Comba da orquestra El Combo Dominicano. A formación canaria é a única que repite con respecto á última edición das festas patronais da capital do Xallas. Estará acompañada pola disco móbil Mega CDC e durante a mañá haberá a sesión vermú co trío Alborada, mentres que ás sete e media o mago Teto ofrecerá unha actuación de maxia no campo da feira. Este terceiro día de festexos está dedicado a San Antonio.
E como colofón, a capital do
Xallas despide as patronais de San Pedro coincidindo coa feira tradicional e cunha das formacións máis seguidas: París de Noia, que volve a Santa Comba co seu novo espectáculo, «La gira de la ilusión». O sábado estará dedicado á Virxe do Carme, e inclúe pasacalles amenizados pola charanga NBA, que tamén protagoniza a sesión vermú coa orquestra Escaparate, así como un pasabares desde as cinco da tarde.
A fin de festa de Santa Comba promete alongarse ata altas horas da madrugada e pór a proba á veciñanza máis festeira coa tripla: a orquestra Escaparate, a mencionada París de Noia e a disco móbil CDC.