En una uambra (II)

YPoldo contina charrando: «Viyemos a boda d’una madrilenya que llegó a ser reina de Flandes, l’asasinato d’o president Kennedy y muitos eventos esportivos. Pasemos d’un gubierno militar enta una democracia, con una Constitución. Tamién viviemos tiempos difícils, con atentaus que fizon tortular a Espanya antera. Pero o bueno y o malo ha serviu pa fer-nos fuertes y luitadors, pa valurar o que tenemos y pa amostrar a os nuestros fillos cómo ye a vida que se van a alcontrar. A vida ye vantar-se cada manyana con un nuevo prochecto, una nueva meta, que tardamos en encanzar-la, por o que tenemos que continar caminando cada día. Podeba contar cientos de cosas, pero muitas están ya refleixadas en os libros. Pasemos d’un telefono colgau en a paret ta’l móbil; d’a pizarra y o pizarrín ta’l lapicero; d’a pluma y o tintero ta’l boligrafo; de fer cuentas en un papel d’estraza enta un folio; d’a maquina d’escrebir ta l’ordinador; d’o magnetofón ta la cadena musical; d’o disco de vinilo ta’l CD; d’a camara de fotos analochica ta la dichital; d’os diners de papel ta’l de plastico… Y a tot himos intentau adaptarnos, anque a unas cosas millor que a otras. Agora nos está costando muito emplegar os meyos dichitals en lugar de poder charrar con as personas! Con muit poco aprendiemos a vivir, a puro d’escusar!, y nos amostrón que a familia yera l’alazet d’a sociedat. Agora soniamos con que os chovens –hombres y mullersaprendan a caminar por as millors endreceras d’a ’vida, que sepan adaptar-se a todas as cosas nuevas que amaneixcan y que puedan encanzar as metas que se propongan. Y pa remate les pediría que no se xubliden de cudiar o conseguiu hasta agora y que muitas cosas nuevas que van apareixiendo, son una continación d’o que himos feito as pasadas cheneracions».

L’autor ye miembro de l’Estudio

de Filología Aragonesa