La Voz de Galicia (Ferrol) - La Voz de Galicia (Ferrol) - Especial1
Grupos de Accion Local do sector Pesqueiro Seo de Fisterra Ria de Muros-Noia: Costa Sostible
A finais da anualidade 2018, o Galp Costa Sostible levará dous anos e medio traballando na xestión do programa de axudas dos Grupos de acción Local do sector pesqueiro 2014-2020, nesta nova andadura o Galp intenta incidir nunha estratexia que fomente a sostenibilidade e a Responsabilidade Social Corporativa nos proxectos beneficiarios das axudas, e no propio territorio sendo unha mostra o inicio do Pacto Local polo Territorio Costeiro Sostible, que intenta implantar un modelo de traballo no que se teñan en conta estas premisas por todos os axentes implicados no desenvolvemento desta franxa costeira.
No balance deste ano 2018 será momento de avaliar como se van a desenvolver os últimos anos de programa que está previsto que se prorrogue ata o ano 2022. O Galp terá que avaliar o traballo feito ata o de agora e propoñer as modificacións que considere oportunas para a xestión da súa Estratexia de Desenvolvemento Local participativo.
Como balance do traballo feito ata o de agora podemos adiantar os seguintes resultados: catro convocatorias de proxectos que supuxeron a execución de trinta iniciativas supoñendo un total de 3.329.846,63 que se aplicaron no territorio, como proxectos a destacar podemos mencionar o Centro de Elaboración de Produtos do Mar promovido por Mariscos Anton SL e ubicado en Abelleira, que supón a creación de 33 postos de traballo todos procedentes do entorno local; o estudo da Trazabalidade Xenética do Berberecho cuxos resultados xa se poden coñecer; a Creación da Marca Berberecho de Noia; o proxecto Cabanas sen Barreiras que supón un modelo de turismo inclusivo no territorio totalmente transferible; o plan Estratéxico do Xeodestino da Ría Muros Noia sendo este un exemplo da planificación turística integrada cos axentes do territorio que intenta desenvolver o Galp, ou Mar da Morosa Artesáns do Peixe recentemente inaugurado en Carnota, unha peixería turística que pretende por en valor a pesca artesanal do noso territorio dun xeito novidoso e nunhas instalacións adaptadas aos estándares de calidade demandamos hoxe en día no sector turístico.
A próxima convocatoria de axudas xa está vixente e remata o prazo de presentación o vindeiro 1 de marzo.