La Voz de Galicia (Ferrol) - Especial2
DE INTERESE TURÍSTICO GALEGO
O Consello da Xunta de Galicia na súa reunión do día vinte e seis de outubro declarou a Semana Santa de Mondoñedo como Festa de Interese Turístico Galego. A Semana Santa Mindoniense ten unha características propias: a sobriedade, a espiritualidade, o recollemento, o marco no que se desenvolve, a antigüidade, a singularidade, a raigame popular... As celebracións litúrxicas teñen como marco a Catedral de Nosa Señora da Asunción, que é Patrimonio da Humanidade. As procesións transcorren polas rúas dun dos cascos históricos máis fermosos e mellor conservados de toda Galicia. Por outra parte, están as antigas e fermosas imaxes que saen nas distintas procesións. Todo isto fai da Semana Santa da cidade da Paula unha celebración diferente. No mesmo Consello da Xunta tamén de declarou de Interese Turístico Galego o Mercado Medieval de Mondoñedo. A alcadesa de Mondoñedo, Elena Candia, manifestou: “Os mindonienses xa sabiamos o interese que tiñan as dúas celebracións, pero agora é un recoñecemento de todos os galegos. E é un recoñecemento aos organizadores, colaboradores e voluntarios que fan posible estas dúas citas”.