La Voz de Galicia (Monforte) - La Voz de Galicia (Monforte) - Especial3
VIVEIRO ACOLLE POR TERCEIRO ANO CONSECUTIVO este proxecto formativo en colaboración co RC Deportivo da Coruña que se levará a cabo no Cembedo
Por terceiro ano, o Viveiro CF organiza, en colaboración co Deportivo da Coruña, o DeporCampus que se celebrará do 2 ao 6 de xullo nas instalacións municipais do Cembedo. Durante esa semana, os asistentes participarán en sesións de adestramento dirixidas por técnicos que levan os equipos da canteira branquiazul, coa colaboración de adestradores do club mariñao.
O Campus está dirixido a nenos entre os 6 e os 14 anos que teñen unha oportunidade de mellorar a súa formación como futbolistas, seguindo a metodoloxía de traballo dun club profesional.
As sesións desenvolveranse de 10.00 h. a 14.00 horas, en varios grupos de traballo segundo as idades. Os rapaces participarán en diferentes actividades e contextos de ensinanza, desde circuitos coordinativos e xogos de relación con balón, ata o xogo real dos partidos dunha competición interna, sempre nun ambiente lúdico. O RC Deportivo proporciona a cada participante unha equipación completa, camiseta, pantalón e medias; e un almorzo a media mañá.
Hoxe rematan as inscricións
Os interesados en participar no Campus aínda poden inscribirse ao longo do día doxe poñéndose en contacto a través do número de teléfono 629 864 357.A tarifa é de 120 euros ou 100, con desconto, para xogadores do Viveiro CF, socios e accionistas do Real Club Deportivo, así como para as familias numerosas, para as que inscriban a máis dun fillo ou que teñan máis dunha persoa en paro.
Os organizadores esperan superar o centenar de participantes nunha actividade que forma parte do acordo de colaboración entre os dous clubs.