Ier, duman e ‘n cö

Amico mio, na roba devum regurdas… mia dumà quela ma… anca quela.

Ma regordi pù chi che ma la insegnada, insoma cüntada sü, ma scolta: “Regordat che incö, cumè ‘n cö, l’è già duman, ma duman l’è già ier”! La sumea na scemada… ma ta see mai dumandaa che i scemi i è propri quii scemi? Dam a trà. Vif ades e pensa mia al dopu, anca se l’è facil a dil, ma dificil a fal. Pensic adrè… Sempru quel là, na volta al ma dumandaa: “segund ti “I brag? I brag i a tegn sü püsee ben i bretel o la zenta?”… dipend da la moda sì... ma anca da la panza.

I cutin i è mei lung o cürt? Da una part dipend anca chi da la moda , ma anca di gamb. Des t’an cünti sü quela che i ma insegnaa … a mi. L’è quela da rivà pal prim: Sevum in trii; vün l’è mia partii, l’altru al se ritiraa. Sum rivaa vün! Amico mio turnem in drè un’atim e pensemig adrè: incö e anca duman.

Par finila lì, scolta : “Un dì, a scöla elementar, i ma dumandaa cusè che avarium vurü fa da Grand. Ghè stai chi che a dii al puliziot, al pumpier ecc. Mi goo respundü che vureva diventà un cuiun. Ma sa lo sentì dì tanti da quii volt che pensava al füdes un lavor, da quii vera. Beh, a la fin ga sum riüsii.

L’ho mia dì mi, ma al Jim Carrey.