Vichai: Bilionea aliyefarik­i na kuacha simanzi EPL

Rai - - MBELE - NA HASSAN DAUDI NA MITANDAO

WIKI iliyopita ilimalizik­a vibaya si tu kwa mashabiki wa klabu ya Leicester City, bali pia kwa wapenzi wa kandanda England, Ulaya na ulimwengun­i kote. Baada ya kutoka kuishuhudi­a timu yake ya Leicester ikitoka sare ya bao 1-1 na West Ham, bilionea wa Leicester raia wa Thailand,

WIKI iliyopita ilimalizik­a vibaya si tu kwa mashabiki wa klabu ya Leicester City, bali pia kwa wapenzi wa kandanda England, Ulaya na ulimwengun­i kote.

Baada ya kutoka kuishuhudi­a timu yake ya Leicester ikitoka sare ya bao 1-1 na West Ham, bilionea wa Leicester raia wa Thailand, Vichai Srivaddhan­aprabha, alipanda helikopta yake kurejea nyumbani lakini ghafla ilianguka nje ya uwanja wao wa King Power.

Ni kawaida kwa tajiri huyo aliyeacha mke na watoto wane kutumia helikopta yake hiyo aina ya Augusta AW169 kufika uwanjani hapo kila Leicester inapokuwa ikicheza.

Akiwa na utajiri wa Dola za Marekani bilioni 3.3, jarida la Forbes la Marekani lilimtaja kushika nafasi ya saba katika orodha ya matajiri huko Thailand.

Kuthibitis­ha kifo chake, taarifa ya Leicester ilisema: “Kwa hali ya huzuni kabisa, tunathibit­isha kuwa mwenyekiti, Vichai Srivaddhan­aprabha, alikuwa mmoja kati ya watu watano waliopotez­a maisha.”

Jina lake katika soka la England lilianza kuchomoza mwaka 2010, alipotumia kiasi cha Pauni milioni 39 (zaidi ya Sh bil 114 za Tanzania) kuinunua Leicester.

Hata hivyo, kilichowaf­anya wengi kutaka kumjua zaidi ni kitendo chake cha kuiwezesha kunyakua ubingwa wa Ligi Kuu ya England mwaka juzi, akifanya hivyo miezi michache baada ya timu hiyo kunusurika kushuka daraja.

“Aliifanya (Leicester) kuwa klabu kubwa Ligi Kuu England,” alisema SvenGoran Eriksson, kocha wa kwanza kuajiriwa na Vichai baada ya kuinunua Leicester.

Pia, aliwaacha hoi mashabiki wa soka wa England kwa kumpa kila mchezaji gari la kifahari aina ya BMW i8, ambalo kwa kipindi hicho moja liligharim­u Pauni 100,000 (zaidi ya Sh mil 290 za Tanzania), ikiwa ni zawadi ya kuchukua ubingwa.

“Vichai alikuwa mmoja kati ya watu wazuri ambao ungependa kukutana nao. Mara nyingi ungemuona akitabasam­u na kucheka.” anasema Jamie Vardy, mshambulia­ji wa Leicester aliyekuwa sehemu ya kikosi kilichotwa­a ubingwa msimu wa 2015-16.

Ukiacha historia yake hiyo EPL, kifo chake kimewagusa wanasoka wengi wenye asili ya Afrika, kwani Leicester City ndiyo timu pekee yenye idadi kubwa ya wachezaji wanaotokea barani humo.

Nyota wa timu ya taifa ya Nigeria, Wilfred Ndidi, anafichua kuwa bosi huyo alikuwa akisafiri hadi Urusi kumtazama akiiwakili­sha Super Eagles katika kila mchezo wa fainali za Kombe la Dunia za mwaka huu zilizomali­zika miezi michache iliyopita.

Mbali na Ndidi, sehemu ndogo tu ya wanasoka wengine wa Afrika waliotuma salamu zao rambirambi ni Kelechi Iheanacho, Rachid Ghezzal, efender, Yohan Benalouane, Fousseni Diabate, Riyad Mahrez, na Ahmed Musa.

Ilikuwa ni nadra kumsikia au kumuona Vichai akizungumz­a na waandishi wa habari na badala yake mara nyingi kazi hiyo ilifanywa na mtoto wake wa kiume, Aiyawatt, ambaye ndiye makamu wa rais klabuni hapo.

Mmoja kati ya watu ambao hawatamsah­au ni Jose Ragoobeer, mkazi wa mjini Leicester, ambaye anasema alipofiwa na mke na watoto kutokana na mlipuko wa bomu, bilionea huyo ndiye aliyemsaid­ia.

Kwa upande wao, mashabiki wa Leicester wataendele­a kukumbuka kitendo cha Vichai kuwapa bia za bure kila walipokuwa wakiishang­ilia timu yao kwenye uwanja wa nyumbani.

Aidha, wakati akisherehe­kea kutimiza umri wa miaka 60 miezi miezi sita iliyopita, mashabiki 60 walijipati­a tiketi za bure za kutazama mitanange ya EPL.

Naye mkongwe wa Leicester ambaye kwa sasa ni balozi wa timu hiyo, Alan Birchenall, alisema kuondoka kwa Vichai ni pigo kubwa kwao. “Tusingeuch­ukua wala kuukaribia ubingwa kama si yeye,” alisema.”

Kuondoka kwake kunaiacha Leicester katika mikono salama ya familia yake kwani watoto wake wote wanne, wakiwamo wawili wa kike, wanashikil­ia nyadhifa za juu ndani ya klabu hiyo.

Igawa wengi wanaifaham­u zaidi Leicester, Vichai ameondoka akiwa pia ni mmiliki wa klabu ya soka ya OH Leuven inayoshiri­kia Ligi Daraja la Kwanza nchini Ubelgiji.

Newspapers in Swahili

Newspapers from Tanzania

© PressReader. All rights reserved.