Chwarae Teg

Bu Pencampwriaeth Rygbi’r Chwe Gwlad eleni yn frwydr i dîm Cymru. Maen nhw wedi colli eu dwy gêm gyntaf - yn wael. Ac mae Lloegr nesaf. Pwrpas chwaraeon ydy delio â heriau. Ond pan mae chwaraewyr yn mynd drwy gyfnodau anodd, gallant wynebu’r demtasiwn i dwyllo.

Felly mewn pêl-droed, mae chwaraewyr yn plymio. Mewn criced, maen nhw’n hawlio daliadau annheg. Mewn athletau, maen nhw’n defnyddio cyffuriau sy’n gwella perfformiad. Mae’n digwydd ar bob lefel. Ar feysydd chwarae ysgol, weithiau mae’r plentyn sy’n berchen ar y bêl yn ei chodi ac yn gadael yn hytrach na diweddu ar yr ochr golli.

Gall y demtasiwn i dwyllo fod yn rhy fawr i’w gwrthsefyll.

Yn y Beibl, cafodd Iesu ei demtio. “Bydda i’n rhoi’r holl bŵer ar y Ddaear i chi,” meddai’r diafol. “Does ond angen i chi fy addoli.”

Pa mor demtasiwn y mae’n rhaid bod hynny wedi bod. Efo pŵer mawr, gallwch chi wneud pethau mawr. Iacháu’r bobl sâl, bwydo’r newynog, rhoi diwedd ar ryfeloedd. Ond roedd Iesu’n gwybod na fyddai fel yna. Pe bai’n dilyn y diafol, byddai ei enaid yn cael ei golli. Byddai’r pŵer yn cael ei ddefnyddio at ddibenion drwg.

Gall rhoi mewn i demtasiwn fod yn fanteisiol yn y tymor byr. Ond yn y tymor hir, mae eich cymeriad yn mynd yn llygredig. Meddyliwch am Lance Armstrong. Cyflawnodd bethau anghyffredin fel seiclwr. Ond rŵan dim ond fel twyllwr y mae’n cael ei gofio. Felly beth am fynd tu ôl i dîm rygbi Cymru a gobeithio bod eu tair gêm ddiwethaf yn y Chwe Gwlad yn llwyddiannus ond yn deg.

Mae’n debyg na fyddan nhw’n ennill pencampwriaeth 2023. Ond mae gwyrthiau’n digwydd. Ac mae ‘na wastad flwyddyn nesa!