Seachdain a’ bhuidseit
BHA e doirbh do na Buill Pàrlamaid a bha an làthair an Taigh nan Cumantan òraid bhuidsead Sheòrais Osborne a chluinntinn Diciadain oir tha fada bharrachd buill na tha àiteansuidhe ann dhaibh. Bha aig cuid dhiubh ri coimhead ri aithrisean air Twitter ’s air a’ BHBC fhad ’s a bha an Seannsalair a’ bruidhinn gus móran a dhèanamh de na briathran aige.
An uair sin bha e doirbh brìgh a’ bhuidsead fhéin obrachadh amach. Osborne ag agairt, ri torr “hearhear” bho beingidhean nan Tóraidhean gun cumadh e ri prógram de ghearraidhean ann an seirbheisean poblach ach gun toireadh e àrdachadh teachdantìr tro ìsleachadh cìsean do mhóran a tha nas fheàrr dheth codhiù; na Làbaraich gu ìre mhath balbh ’s iad air a bhith ag aontachadh ann am prionnsabal le austerity cho fada anis gum biodh e doirbh dhaibh an suidheachadh sin atharrachadh, gu hàraidh nuair nach eil ceannard ùr aca fhathast.
Lìon Pàrtaidh Nàiseanta na h Alba (PNA) am beàrn le bhith sònrachadh amach mar a tha na buannachdan a thig, mas fhìor, do chuid tron bhuidseat a’ tighinn bho ionnsaighean air an fheadhainn as miosa dheth. Ged a gheall Osborne “tuarastal bithbeò” a thoirt asteach anathbhliadhna aig £7.20 san uair, ìre nas àirde na bha an dàrna cuid na Làbar no PNA fhéin air moladh, ghearain na Nàiseantaich nach e fìor àrdachadh a bhiodh ann agus geàrraidhean ann an Creideas Cìsean Obrach a’ tighinn aig a’ cheart àm. Mar sin, chan e tuarastal bithbeò a tha na Tóraidhean a’ toirt asteach ach gearraidhean ann an taic do theaghlaichean ann an obair.
Bha deasbad éiginneach air “bhotaichean Sasannach do laghan Sasannach” an latha roimhe a chaidh le na pàrtaidhean dùbhlanach nuair a dhiùlt an Riaghaltas bhòtadh idir agus feadhainn de na reubaltaich aca fhéin, leithid Sir Eideard Leigh, ag iarraidh barrachd thìde do bhuill air son meòmhrachadh air atharrachaidhean bunreachdail a dh’fhaodadh reifreann eile adhbharachadh.
AN déidh don Ghrèig diùltadh a fiachan a phàigheadh agus muinntir na Gréige a’ dol leis a’ chodhùnadh sin ann an reifreann, tha e coltach gun do ghabh an riaghaltas ris a’ mhórchuid de dh’iarrtasan nan creidearan aca gus nach bi aca ri “Sòn an Iùro” fhàgail.
BHÀSAICH dràibhear, 28, agus chaidh a bhràmair, 25, a dhroch leòn ann an tubaist aonacharbaid taobh Loch Éireann, Siorrachd Pheairt. Ged a fhuair Police Scotland fón mu dheidhinn, cha do rannsaich iad e, agus bha a’ chàraid trì latha sa chàr mun robh iad air an lorg.
NOCHD Bile na halba air liosta chuspairean a chaidh a dheasbad bho chionn ghoirid a bhiodh an urra ri buill phàrlamaid Shasannach agus Chuimreach amhàin – se sin, fo “Bhotaichean Sasannach do Laghan Sasannach” cha bhiodh cead aig buill Albannach bhòtadh orra. Thuirt Ceannard Taigh nan Cumantan gur e mearachd rianachd a bh’ ann.
THÉID éisteachd a thoirt san tsultain don tagradh air son Alasdair Macgillemhìcheil a chur far a dhreuchd mar bhall pàrlamaid Arcaibh is Shealtainn ann an cùirttaghaidh Dhùn Éideann. Tha an luchdiomairt a’ cur ás a leth gur e breug a rinn e mu dheidhinn fhéin mar thagraiche poilitigeach agus gur e briseadh an lagha a tha sin.
BITHEAR a’ cumail 15mh Còmhdhail Eadarnàiseanta na Ceiltis an ath sheachdain ann an Oilthigh Ghlaschu.
CHA nochd colbh Brian Wilson tuilleadh anns a’ West Highland Free Press, pàipear a stéidhich e fhéin. Thug e taic dhan Oll. Dòmhnall Macleòid, a chaill an colbh aigesan mar fhreagairt ri gearanan mun bheachd aige gum biodh uiread de dh’fhògarraich Ioslamach bho cheann atuath Afraga ’nam bagairt ri Crìostaidheachd na heòrpa. Chan eil Magaidh Choineagan deònach sgrìobhadh dhan phàipear arithist oir tha i mìthoilichte le làimhseachadh na cùise.