Shkupi proteston shqip, "Qeveria të dorëhiqet"
Shqiptarët bëjnë thirrje me sloganin "UÇK" për bashkimin e shqiptarëve dhe maqedonasve Të pranishëm, familjarët e të dënuarve në rastin "Monstra"
Protestoj shqip" është motoja e marshit pro testues gjithëshqiptar që u mbajt dje në Shkup. Protestuesit kërkuan dorëheqjen e kryeministrit Nikolla Gruevski dhe Ali Ahmetit, zbardhjen e të gjitha të vërtetave shqiptare dhe kërkesa për një marrëveshje të re për Maqedoninë. Organizatorët pohuan se ky është marsh shqiptar, pa emblema partiake, dhe për këtë arsye edhe një herë i kanë ftuar të gjithë shqiptarët e Maqedonisë, që të dalin bashkë me familjet e tyre për t'i shprehur fuqimisht kërkesat e kësaj proteste. Disa mijëra shqiptarë protestuan dje në Shkup nën organizimin të lëvizjes politike "Besa". Protesta ka nisur nga parku i Çairit, duke përfunduar në urën "Goce Dellçev", disa metra larg qeverisë. Protestuesit brohorisnin "Stop dhunës ndaj shqiptarëve", "Ali tradhtari", "Besa- Besë besën e kemi dhënë", "UÇK" etj., në shoqërimin edhe të këngëve patriotike. Marshi protestues u sigurua edhe nga dhjetëra aktivistë të lëvizjes "Besa" dhe shoqatave të tjera pjesëmarrëse në protestë. Në protestën e ditës së diel morën pjesë edhe familjarët e shqiptarëve të dënuar në rastet "Monstra", "Sopoti" dhe "Brodeci". Organizatorët e protestës bënë thirrje për një marrëveshje të re politike mes shqiptarëve dhe maqedonasve, për ta konsideruar Maqedoninë si një shtet të përbashkët konsensual, si dhe kërkuan zbardhjen e plotë të rasteve të montuara gjyqësore kundër shqiptarëve. Anëtari i Këshillit Koordinues të Lëvizjes Besa, Skënder Rexhepi deklaroi se prania e një numri kaq të madh dëshmon se Këshilli Organizativ e bëri mirë punën, duke treguar se shqiptarët dinë të bashkohen për të mbrojtur të drejtat e tyre. "Këshilli organizativ e ka bërë këtë protestë sepse nuk do të ketë më shkelje të shqiptarëve. Mjaft më me vrasje, burgosje! Pse të mos jemi bashkë dhe të jemi me popullin?! Derisa të përmbushen kërkesat tona, ne nuk do të ndalemi. Ky shtet duhet të formatohet dhe të jetë i barabartë", - deklaroi Rexhepi në skenën e ngritur pranë urës disa metra larg qeverisë. "Kjo protestë është shqiptare, sepse kriza nëpër të cilën po kalon ky shtet nuk e ka dëgjuar zërin shqiptar, nuk e ka dëgjuar mendimin e shqiptarëve. Sipas nesh, shqiptarët janë të hapur të diskutojnë edhe për shtet social, edhe për shtet të paanshëm etnik, por para së gjithash duhet të merremi vesh t'i përmbyllim çështjet ndëretnike. Për sa kohë ne si shqiptarë diskriminohemi, nuk mund të veprojmë si qytetarë", - tha Ferdeze Sulejmani, nga lëvizja "Besa". Në këtë protestë me moton "Protestoj Shqip" u kërkua dorëheqja e qeverisjes aktuale, zbardhja e të gjitha të vërtetave për shqiptarët dhe kërkesa për një marrëveshje të re në Maqedoni. Protesta u vlerësua tejet masive nga organizatorët dhe në përkrahje të saj ishin dhjetëra shoqata dhe thirrje të personaliteteve publike shqiptare. Protestës nuk iu bashkëngjitën dy par- "Kjo protestë është shqiptare, sepse kriza nëpër të cilën po kalon ky shtet nuk e ka dëgjuar zërin shqiptar, nuk e ka dëgjuar mendimin e shqiptarëve. Sipas nesh, shqiptarët janë të hapur të diskutojnë edhe për shtet social, edhe për shtet të paanshëm etnik, por para së gjithash duhet të merremi vesh të përmbyllim çështjet ndëretnike." titë e tjera, RDK dhe Lëvizja për Reforma në PDSH e Ziadin Selës, për shkak të mosmarrëveshjeve midis tyre.