Komisioni i Ekonomisë miraton draftin për rivlerësimin e pasurive

Afat deri në shkurt të 2017- ës për rivlerësimin, tatimi zbret në 2% për shtëpitë Tatimi mbi të ardhurat, nga 15% shkon në 3% për bizneset

Komisioni i Ekono misë ka miratuar projektligjin për rivlerësimin e pasurisë së paluajtshme. Deputetët e mazhorancës kanë kundërshtuar propozimin e qeverisë me argumentin se ky projektligj nuk u vjen në ndihmë qytetarëve, por vetëm një pjesë të biznesit. Drafti është mbrojtur në komision nga ministri i Financave, Arben Ahmetaj. Sipas tij, çdo person që ka një pronë të paluajtshme, në rast se aplikon për rivlerësimin e saj deri në 28 shkurt të vitit të ardhëm, tatimi mbi të ardhurat në rast se shitet kjo pronë do të zbresë në 2% nga 15% që e parashikon ligji. Kështu për shembull, në rast se një shtëpi në vitin 2005 e kishte vlerën 10 milionë lekë dhe sot kushton 15 milionë lekë, vlera 5 milionë lekë tatohet me 15%. Ndërsa në rivlerësimin e pronës, vlera 5 milionë lekë do të tatohet vetëm 2%.

PROJEKTLIGJI

Sipas draftit që është dorëzuar dje nga qeveria në Kuvend, të gjithë individët, të cilët kanë në pronësi pasuri të paluajtshme, kanë të drejtë që nga data e hyrjes në fuqi të këtij ligji deri në datën 28 shkurt 2017 të bëjnë rivlerësimin e kësaj pasurie me vlerën e tregut. Ky rivlerësim mund të bëhet nga një ekspert i licencuar për vlerësimin e pasurisë së paluajtshme nga institucionet përkatëse, ose nga zyrat vendore të regjistrimit të pasurive të paluajtshme. Në rast se individi zgjedh që të bëjë rivlerësimin me një ekspert të licencuar, atëherë aplikimit të tij për rivlerësim të pasurisë së paluajtshme i bashkëlidh edhe aktin e vlerësimit të ekspertit. Zyrat vendore të regjistrimit të pasurive të paluajtshme llogaritin bazën e tatueshme, e cila llogaritet si diferenca ndërmjet vlerës së pasqyruar në akt ekspertim, por jo më e vogël se çmimet minimale fiskale dhe vlerës së pasurisë së aktit të regjistruar ose vlerës së rivlerësuar për të cilën është paguar tatimi, si dhe tatimin që duhet të paguajë individi për ta regjistruar këtë rivlerësim. Në rast se individi zgjedh që rivlerësimi të kryhet nga zyra e regjistrimit të pasurive të paluajtshme, me çmimet minimale fiskale në fuqi, atëherë ky fakt shprehet në formularin që i bashkëlidhet aplikimit të tij për rivlerësim. Zyrat vendore të regjistrimit të pasurive të paluajtshme llogaritin bazën e tatueshme, e cila llogaritet si diferenca ndërmjet vlerës së dalë nga rivlerësimi me çmimet minimale fiskale në fuqi dhe vlerës së pasurisë të aktit të regjistruar ose vlerës së rivlerësuar, për të cilën është paguar tatimi, si dhe tatimin që duhet të paguajë individi për ta regjistruar këtë rivlerësim. Në rastet kur pasuria e paluajtshme rezulton e regjistruar pa një kontratë shitjeje, atëherë si vlerë regjistrimi në zyrat e regjistrimit të pasurive të paluajtshme konsiderohet vlera e çmimeve minimale fiskale në çastin e regjistrimit të aktit të fitimit të