PS, Manja: Opozita dhe kushdo tjetër s’mund t’i shmanget dhënies së votës për 7 projektligjet

Në

shtator politika do të jetë sërish në provë për kon sensus, pasi në Kuvend do të miratohen ligjet që e bëjnë të zbatueshme reformën në drejtësi. Deputeti i PSsë Ulsi Manja, njëherësh anëtar i Komisionit të Posaçëm për Reformën në Drejtësi, sqaroi për “Ora News” arsyet e shtyrjes së votimit të 7 ligjeve të emergjencës, por edhe domosdoshmërinë e shumicës dhe opozitës për kompromis. Deputeti Manja ndalet edhe në rëndësinë e rolit të faktorit ndërkombëtar në procesion e vlerësimit të gjyqtarëve dhe prokurorëve, si një garanci për një drejtësi të pakorruptuar. Me miratimin në 21 korrik të ndryshimeve kushtetuese, sipas Manjës shtëpisë së drejtësisë i është vënë dera e blinduar. “7 projektligjet reflektojnë 100% parashikimet e bëra në Kushtetutën e re që miratuam, me përjashtim të atyre çështjeve që kishin ngelur hapur dhe ishin pjesë e negociatave politike. Pra në projektligjin e paketës kushtetuese nuk kanë qenë të reflektuara vetëm zgjidhjet e minutës së fundit që dha politika. Pjesa tjetër janë çështje tërësisht të reflektuara nga Kushtetuta te ligjet. Arsyeja që u la në shtator është e thjeshtë. Sapo Kushtetuta e re të hyjë në fuqi, do të diskutohen. Ato 7 ligje e kërkojnë si kushtetutshmëri konsensusin e 84 votave, por do të ishte mirë edhe më gjerë. Opozita dhe kushdo tjetër nuk mund t’i shmanget dhënies së votës në parlament, pasi me Kushtetutën e re ne i kemi vendosur shtëpisë së drejtësisë derën e blinduar dhe 7 projektligjet janë çelësat për të hapur derën”, - deklaroi z. Manja.