Shqipëria, pa depistim që nga vitet ' 90
Tuberkulozi është sëmundje infektive me shkallë të lartë ngjitëse, përhapet nëpërmjet ajrit nga kolla dhe spërklat e pështymës Çdo vit diagnostikohen me tuberkulozë mbi 300 persona
Pas viteve ' 90 tuberku lozi është përhapur ndjeshëm në Shqipëri, edhe pse konsiderohej si një sëmundje e zhdukur. Çdo vit në Spitalin e Sanatoriumit diagnostikohen mbi 300 pacientë, pa llogaritur ata që e kanë infeksionin e fshehur. Shifra të sakta të përhapjes së kësaj sëmundjeje në mbarë vendin nuk janë bërë publike. Ndërkohë që prej 25 vitesh në vend nuk është bërë depistim i popullsisë, duke ngritur dyshimin se përhapja e kësaj sëmundjeje ngjitëse është shumë herë më e lartë. Sipas mjekëve specialistë, kushtet e jetesës kanë shumë lidhje me këtë lloj sëmundjeje, pasi ka të bëjë me standardet e jetesës. Po ashtu, sipas tyre vendet me lagështirë dhe myqe favorizojnë zhvillimin e infeksionit. Tuberkulozi është një sëmundje infektive me shkallë të lartë ngjitëse, ndaj çdokush është i rriskuar kur është në vende me grumbullime siç janë shkollat, repartet ushtarake, burgjet etj. Tuberkulozi përhapet nëpërmjet kollitjes apo edhe spërklave që lëshon dikush gjatë kohës që flet. Në vendin tonë prej vitit 1994 fëmijëve u bëhet vaksina kundër tuberkulozit, por ajo i mbron vetëm gjatë fëmijërisë dhe jo kur janë adultë. Tuberkulozi përhapet ndërmjet ajrit, kur sëmuri i pamjekuar me TB kollitet, tështin apo është në kontakt të afërt me njerëzit e tjerë. Nëse keni kollë dhe gëlbaze më shumë se 3 ditë, duhet të drejtoheni tek mjeku specialist për mushkëritë në dispanserinë e rrethit. I sëmuri mund të ketë dhe dobësi të përgjithshme, rënie oreksi, temperaturë, djersë, etj.
TË INFEKTUARIT
Tuberkulozi është një sëmundje infektive, e cila shkaktohet nga bakteri Mycobacterium tuberculosis. Sëmundja shfaqet më shpesh në mushkri, por mund të shfaqet edhe në organe të tjera të trupit, si në gjëndrat limfatike, në kocka, në organet e urinimit dhe ato gjenitale, në organet e brendshme, në sistemin qendror nervor, në lëkurë ose edhe si infeksion i përgjithshëm. Sipas një raporti të Bankës Botërore në vitin
2010, minimumi i rasteve të infektuara ka qenë në 2009, me 14 raste sëmundjesh për 100,000 banorë. Interesi i Bankës Botërore rreth kësaj sëmundjeje ka qenë për të konkluduar ecurinë, kurimet dhe për të bërë një pasqyrim a janë arritur objektivat e uljes së numrit të personave që janë prekur nga kjo sëmundje. Arsyeja e këtij studimi është edhe fakti se tuberkulozi është indikator i mirëqenies dhe një sëmundje që tregon nivelin e shërbimeve shëndetësore. Sa u për-