SHBA, Engel- Bashës: Konsensusi garanton një drejtësi të pandikuar
"Drejtësia", kongresmeni amerikan: Vlerësoj lidershipin e treguar nga kreu demokrat Kryetari i PD: Sfida e radhës, zgjedhjet e lira
Eliot Engel, nënkrye tari i Komitetit për Europën në Kongresin Amerikan, vlerëson lidershipin e PD- së dhe beson se konsensusi për reformën në drejtësi është e vetmja mënyrë për të garantuar drejtësi të pandikuar politikisht. Në ditën e fundit të Konventës Kombëtare të demokratëve, ku Hilari Klinton pranoi nominimin për kandidate për presidente të SHBA- ve, kryetari i Partisë Demokratike, Lulzim Basha u takua me senatorë dhe kongresmenë, mes të cilëve edhe me bashkëkryetarin e Komitetit për Europën, Eliot Engel, i cili vlerësoi kontributin e rëndësishëm sipas tij të Bashës dhe PD- së për reformën në drejtësi. Sipas njoftimit për shtyp të selisë blu "Engel e përgëzoi z. Basha për lidershipin e treguar për të sjellë në fund një reformë bazuar nga standardet më të mira të rekomanduara edhe nga Komisioni i Venecias dhe miratimin me konsensus të saj". "Konsensusi ishte e vetmja mënyrë për të garantuar një drejtësi të pandikuar politikisht", - theksoi Engel, duke përgëzuar liderin e opozitës shqiptare për qëndrimin e tij parimor. Nga ana e tij kryetari i PD- së shprehu mirënjohjen "për mbështetjen e madhe që SHBA- të i kanë dhënë Shqipërisë në këtë proces, i cili ishte kompleks dhe i vështirë, por në fund produkti është ai nga i cili përfiton çdo qytetar". Pas dekriminalizimit dhe reformës në drejtësi, Basha ka theksuar se zgjedhjet e lira dhe të ndershme janë sfida e ardhshme për Shqipërinë. Për këtë Basha kërkoi ndihmën dhe mbështetjen e Engel dhe të Komitetit për Europën në kongresin amerikan. "Engel ndërsa theksoi se një vend nuk mund të bëj progres nëse nuk garanton votën e lirë të qytetarëve të tij, ka ofruar mbështetjen dhe gatishmërinë për të kontribuar në të gjithë procesin që do të sjellë një proces të lirë dhe të ndershëm zgjedhor në Shqipëri", - thuhet në njoftimin e djeshëm për shtyp të PD- së.
EKONOMIA
Po dje, por në një reagim në "Facebook", lideri i opozitës, Lulzim Basha bëri një panoramë të zymtë të ekonomisë shqiptarë dhe gjendjes në vend. Në një deklaratë për mediat, pas publikimit të të dhënave nga INSTAT- i dy ditë më parë, Basha deklaroi se ekonomia është zhytur edhe më shumë "Engel ndërsa theksoi se një vend nuk mund të bëjë progres nëse nuk garanton votën e lirë të qytetarëve të tij, ka ofruar mbështetjen dhe gatishmërinë për të kontribuar në të gjithë procesin që do të sjellë një proces të lirë dhe të ndershëm zgjedhor në Shqipëri", - thuhet në njoftimin e djeshëm për shtyp të PD- së.
në krizë, konsumi ka rënë në kuotat më të ulëta historike dhe prodhimi në vend ka rënë. Sipas tij "deficiti tregtar rezulton të jetë 14.4% më i lartë sesa në qershor 2015, ndërsa eksportet, 6.4% më të ulëta sesa një vit më pare". Ulje, sipas kreut
demokrat, kanë shënuar edhe importet, ku në muajin qershor ato ishin 1.6% më të ulëta krahasuar me muajin paraardhës. "Këto janë të dhënat që tregojnë luftën e biznesit për të prodhuar, për të ekzistuar madje, nën tutelën armiqësore e të dhun-
shme të një qeverie që vetëm rrit taksat, shton gjobat, ngre çmimet e energjisë dhe naftës, dhe nuk kryen asnjë punë, asnjë shërbim. Taksat e larta, korrupsioni, armiqësia ndaj punës e prodhimit dhe mungesa e besimit ia kana marrë frymën biznesit, duke e
detyruar atë të mbyllet ose të shkurtojë vendet e punës, duke sjellë këto rezultate", - deklaroi Basha. Një tjetër shqetësim, sipas tij, është edhe rënia e fuqisë blerëse, që sipas tij, shënon kuotat më të ulëta historike. "Fuqia blerëse është në kuotat më të ulëta his-
torike, për shkak të varfërisë, papunësisë e mungesës së të ardhurave. Kjo është vepra e vërtetë e keqqeverisjes së Edi Ramës, prandaj ai rreket me çdo çmim ta heqë debatin nga hallet e vërteta të njerëzve me llomotitjet e konfliktit politik", - u shpreh kreu i PD- së.