Policia Rrugore me "fytyrë" të re, Rama i bën lëvdata Tahirit
Krerë të Policisë së Shtetit përuruan dje ambientet në ish- Kinostudio "Gjuajnë me baltë ata që s'bënë shtet"
Kryeqyteti tashmë do të jetë me ambiente të reja të Komisariatit të Policisë Rrugore. Ceremonia për inaugurimin e këtyre ambienteve u bë mesditën e djeshme, ku të pranishëm ishin kryeministri Edi Rama, ministri i Brendshëm Saimir Tahiri, kreu i Policisë së Shtetit Haki Çako, drejtori i Policisë së Tiranës Ervin Hodaj, si dhe drejtues të tjerë të lartë. Gjithashtu, pranë efektivëve të Policisë Rrugore ishte edhe Resmi Hasanpapaj, njëri prej kolegëve të tyre, i cili është aksidentuar në krye të detyrës. Gjatë fjalës së tij, kryeministri Rama e cilësoi investimin si pjesë e programit të Rilindjes së Policisë së Shtetit. Po ashtu, ai vlerësoi edhe punën e ministrit të Brendshëm, Saimir Tahiri, duke theksuar se akuzat e PD- së janë kompliment, pasi vijnë si rrjedhojë e shtetbërjes që s'pranohet nga demokratët. Kurse, vetë ministri Tahiri tha se "kemi ndërtuar një godinë të re, për t'u shërbyer qytetarëve dhe për të pasur gjithë gamën e shërbimeve në këtë zyrë shërbimi". Ndërsa, kreu i Policisë së Tiranës tha se me Komisariatin e Policisë Rrugore përmbyllet edhe projekti i transformimit të "Këtu ka qenë një godinë shumë e vjetër, e ndërtuar që në vitin 1981, pa u vënë dorë. Ndërkohë, nga një ndihmë nga shumë partnerë privatë kemi ndërtuar një godinë të re, për t'u shërbyer qytetarëve dhe për të pasur gjithë gamën e shërbimeve në këtë zyrë shërbimi", - tha ministri i Brendshëm. "Kjo godinë është tërësisht e re, jo e rikonstruktuar. Është vendosur gjithë administrata. Komisariati i shërbimit rrugor mbyll tablonë e të gjitha komisariateve të Tiranës për shërbimet ndaj qytetarëve. Në sportel merren të gjitha shërbimet", tha drejtori i Policisë së Qarkut Tiranë, Ervin Hodaj.
të gjitha komisariateve dhe sporteleve të shërbimit të policisë në Tiranë.
INAUGURIMI
Godina e Komisariatit të Policisë Rrugore, e cila ndodhet në zonën e ish- Kinostudios, është ndërtuar që në vitin 1981 dhe që prej asaj kohe nuk ishte investuar asnjëherë në të. Kushtet që kishte më parë ky komisari-
at bënin që shërbimet ndaj qytetarëve të ishin me kohë të zgjatura. Ndërkohë, me investimet e reja që tashmë janë bërë në të, mendohet që policia të mundë të përballojë një fluks të madh të qytetarëve. Sakaq, në ceremoni, Rama tha se më parë kishte njerëz të detyruar që të zinin radhë që në 04: 00 të mëngjesit, për të paguar gjo- bat e shkeljeve në qarkullimin rrugor. "Rreth 200 mijë njerëz në vit përballeshin me një situatë që as në mesjetë nuk mund të gjente krahasim", - tha kryeministri. Ndërsa sot, sipas tij, jemi në një situatë tërësisht të transformuar, me një pritje të denjë për të gjithë qytetarët. "120- 150 persona në ditë shërbehen në kushte optimale, falë një investimi të kryer në bashkëpunim me sipërmarrjen, pa nxjerrë asnjë qindarkë nga buxheti i shtetit, si pjesë e programit të Rilindjes së Policisë së Shtetit dhe transformimit të saj nga një trupë e tradhtuar, e braktisur, e lënë rrugëve duke shtyrë automjetet që ngecnin për mungesë karburanti, që nga ana tjetër grabitej masivisht, në një polici që çdo ditë e më shumë u ngjan trupave simotra në Europën ku jetojmë", - nënvizoi Rama. Më tej, ai shprehu respekt për skuadrën e ministrit të Brendshëm dhe për drejtuesit e Policisë së Shtetit. "Natyrisht që, kjo punë ka në krye ministrin e Brendshëm dhe sa herë më jepet rasti, e kam përsëritur dhe do e përsëris që puna e tij meriton çdo lëvdatë, pasi jo më kot meriton edhe gjylet e përditshme të baltës së SHQUP- it, që janë në fakt, komplimenti më i mirë për punën e ministrit dhe të gjithë ekipit të Ministrisë së Brendshme dhe drejtuesve
të Policisë së Shtetit. Kompliment që vjen nga ata, të cilët vetëm shtet nuk njohin e vetëm shtet nuk ditën të bëjnë, dhe teksa shohin se si po bëhet shteti, asgjë tjetër
s'mund të bëjnë përveçse të mbushin topat e baltës dhe të gjuajnë, duke filluar nga Policia e Shtetit, që është modeli për t'u ndjekur nga të gjithë", - përfundoi Rama.