Kapet 1.2 tonë marijuanë në Bari, dyshohet se vinte nga Shqipëria

Droga kishte si destinacion tregun evropian, autoritetet vijojnë hetimet Skafistët kanë mundur të largohen para mbërritjes së policisë

Një sasi prej 1.2 tonësh drogë e llojit marijua në u sekuestrua nga policia italiane në portin e Barit. Droga ishte paketuar në 80 pako të vogla. Vlera e drogës kap shifrën e 12 milionë eurove dhe destinacioni final ishte tregu italian. Rojet bregdetare kanë pikasur një anije që udhëtonte me shpejtësi në brigjet detare të Pulias dhe i janë vënë në ndjekje. Megjithatë skafistët janë larguar duke braktisur gomonen në det. Me t'u pikasur se ishin në ndjekje, trafikantët kanë braktisur mjetin lundruese dhe janë zhdukur pa gjurmë. Edhe pas patrullimit të policisë, ata nuk janë mundur të gjenden. Mendohet se janë rikthyer përsëri në Shqipëri. Lënda narkotike ishte e ndarë në 80 pako. Gomonia që po transportonte drogën ishte 10 metra e gjatë dhe e pajisur me dy motorë të fuqishëm me nga 350 kuaj fuqi secili. Gomonia është konfiskuar nga autoritetet italiane tanimë. Besohet se droga vinte nga Shqipëria dhe kishte si destinacion tregun italian, por skafistët ia kanë dalë që të largohen në kohë nga gomonia dhe t'i shpëtojnë policisë. Ndërsa policia ka nisur hetimet për të zbuluar autorët dhe pronarët e drogës. Vetëm dy ditë më parë, po në Bari të Italisë, një shqiptar u kap me 3.5 kg drogë. Por këtë herë droga nuk ishte në det, por në portin e shtetit fqinj. "Nuk kam asgjë për të dek- Pak ditë më parë një tjetër shqiptar u arrestua në Bari, pasi në makinën e tij u gjet drogë. Nga kontrolli në makinën e shqiptarit u gjetën 12 pako me heroinë, me një peshë totale prej 3.5 kg. Droga ishte fshehur poshtë sediljes së pasme të automjetit.