Braçe: Kuvendi ka autorizuar qeverinë të shohë mundësitë për një marrëveshje
Deputeti socialist u përgjigjet akuzave të PD për portin e Karpenit
Nënkryetari
i Grupit Parlamentar të PS- së, Erjon Braçe u është përgjigjur dje sulmeve të Partisë Demokratike në lidhje me portin e Karpenit. “Lexova si vetëtimë një kolege deputete që nisi me vrull të flasë për koncesionin e rrugës Milot- Morinë dhe u fik si qiri; ajo tani flet për një marrëveshje për një port në Karpen. Dua të bëj me dije se Kuvendi nuk ka votuar asnjë marrëveshje, sepse nuk ka asnjë marrëveshje”, deklaroi Braçe, në një status në “Facebook”. “Kuvendi ka autorizuar qeverinë- Ministrinë e Ekonomisë, të hyjë në diskutime për të vlerësuar nëse ka kushte për të arritur në një marrëveshje. Pa diskutim, çështjet që ngre kolegia deputete duhet të jenë në vëmendje të Ministrisë së Ekonomisë, për të vlerësuar çdo të dhënë, të vlefshme për diskutimet në fjalë; duke nisur nga numri i punëtorëve që ka kjo kompani, e domosdoshme për të mos bërë gafat e privatizimit të ‘ ARMO’ dhe ‘ Albpetrol’ - kolegia e mban mend, nuk kishin asnjë punëtor kompan- itë fituese”, u shpreh Braçe. Më tej, në komentin e tij, deputeti i PS- së tha: “Lexova një koleg deputet që ishte i trishtuar që Edi Rama i kishte vjedhur Sali Berishës projektin e rrugës së Shishtavecit. Dua të bëj me dije, se në fillim të vitit 2013, me ishministrin e Transportit të asaj kohe, kemi zhvilluar në Kuvend një interpelancë shumë të mirë mbi financimin e rrugëve, borxhet e krijuara. Thelbi ishte: Për nevoja elektorale, qeveria e Sali Berishës kishte hapur qindra kantiere, me vepra që financoheshin me 1 milion lekë të reja. Kjo rruga e Shishtavecit kishte në buxhet vetëm 5 milionë lekë. As që e vë në diskutim se rruga u prokurua nën qeverinë e Sali Berishës, tenderin ata e bënë, por në buxhet kishte për të vetëm 5 milionë lekë. Tani unë nuk kuptoj çfarë ka vjedhur Rama. Shoh që rruga ka mbaruar dhe më vjen aq mirë sa s’ka që PD- ja, më në fund po tregon se po bëhen rrugë, edhe pse thotë që po ia vjedhim Berishës”, - u shpreh Braçe.