IN MEMORIAM/ LAMTUMIRË, SKËNDER MALINDI!

Skënder Malindi, intelektuali që diti të përballojë me vendosmëri sfidat e jetës

pasur urrejtje për okupatorin italian, së bashku me moshatarë të tij i godasin italianët, por ata hakmerren ndaj fshatarëve duke bombarduar fshatin. Me pushtimin e fshatit, komandanti, një gjeneral grek, i informuar se Skënderi kish mbaruar studimet ushtarake dhe kishte ndjenja patriotike, i thotë: "Ti që veprove sot kundër italianëve, nesër mund të veprosh kundër nesh!", pasi grekët si shovinistë, kishin qëllime pushtuese ndaj vendit tonë, që do t'i shprehnin po të fitonin luftën. Prandaj e arrestojnë Skënderin dhe e internojnë në ishullin Metilin ( Lesho), në afërsi të Turqisë. Me pushtimin gjerman të Greqisë, gjithë robërit shqiptarë u liruan, bashkë me ta edhe Skënderi. Pasi kthehet në atdhe, me fillimin e lëvizjes antifashiste merr kontakt me udhëheqësit e luftës, si me Mestan Ujanikun, Gjin Markun, Kahreman Yllin e të tjerë, duke u aktivizuar në organizimin e luftës në rrethin e Skraparit.

Në fillim të vitit 1943, komanda e qarkut Berat e cakton komandant çete në komunën e Çepanit. Çeta nën drejtimin e tij merr pjesë aktive në të gjitha veprimet luftarake në qarkun e Beratit kundër fashistëve italianë. Më 20 shtator 1943 emërohet komandant i batalionit "Rinia" ( Margarita Tutulani). Në krye të këtij batalioni ka marrë pjesë në të gjitha luftimet kryesore të zhvilluara, si në Tendën e Qypit, Qafën e Kiçokut, Bubës, Qafë- Shkozë, Paraspuar, luftime të ashpra këto që përballuan Operacionin armik të Dimrit 1943- 1944. Në një luftim në Paraspuar të Beratit, Skënderi plagoset rëndë. I mjekuar në spitalet partizane nuk gjeti shërim.

Me krijimin e Brigadës së 7- të Sulmuese, ashtu siç ishte i plagosur caktohet komandant i Batalionit të Parë të kësaj brigade, por në gjendjen që ishte nuk mund ta ndiqte e drejtonte batalionin. Në shtator 1944 dërgohet për mjekim në Itali, në spitalet aleate. Aty u nënshtrohet dy operacioneve që i shpëtuan krahun, por mbeti invalid i Luftës. Plagosja ia ndërpreu karrierën ushtarake në luftë, por Skënderi me aftësitë e tij, i arriti shokët.

Pas çlirimit të vendit, ai u dërgua me grupin e parë të komandantëve të brigadave e divizioneve për studime në Akademinë "Frunze", në ishBashkimin Sovjetik. Aty u dallua duke i mbaruar studimet me rezultate të sh- këlqyera.

Me kthimin në atdhe, Skënderi emërohet në Drejtorinë Operative të Shtabit të Përgjithshëm dhe merr pjesë në grupin operativ që drejtoi luftimet kundër provokacioneve greke në gusht 1949.

Skënderi ka shërbyer në detyra të larta në ushtri: komandant i Shkollës së Bashkuar të Oficerëve, komandant brigade në Shkodër e komandant divizioni në Korçë. Më pastaj zëvendësdrejtor i Përgatitjes Luftarake të ushtrisë. Ai drejtoi edhe stërvitjen ushtarake para marshallit Zhukov.

Ka shërbyer shef shtabi i dy komandave më të mëdha të ushtrisë, atë të forcave ushtarako- detare dhe të Mbrojtjes kundërajrore të shtetit.

.... Ishte mbledhja famëkeqe e dhjetorit 1974 e KQ të PPSH që goditi kolo- nelin Skënder Malindi. Kjo goditje do t'i ndryshonte rrjedhën e jetës, duke mos iu dhënë grada "gjeneral", që i takonte qysh kur ishte komandant divizioni në Korçë.

Me ndryshimin e sistemeve Skënderi përshëndeti këto procese dhe mbështeti plotësisht demokracinë. Është nismëtar i formimit të OBVL. Qysh në fillim duke qenë nënkryetar i saj, ka dhënë një kontribut të madh në organizimin, zbatimin e programit dhe statutit të saj, në edukimin patriotik të rinisë dhe popullit. Njëkohësisht ai ka dhënë një kontribut të çmuar në lidhjen dhe bashkëpunimin me organizatat e veteranëve të LANÇ të Kosovës, Maqedonisë, Kroacisë etj.

Ai gëzon respektin e merituar të ushtarakëve e të shoqërisë. Është "Qytetar Nderi" i Skraparit.

Kolonel Skënder Malindi, një nga figurat e rëndësishme të LANÇ e të Ushtrisë Shqiptare është "Qytetar Nderi" i Bashkisë së Skraparit. Me propozimin e Komitetit të Veteranëve të Luftës së Skraparit, një strukturë e kundërt dhe oponente me atë ku aderonte Skënderi, Organizatën e Bashkuar të Veteranëve të Luftës, Këshilli Bashkiak i Çorovodës i ka dhënë Skënder Malindit titullin "Qytetar Nderi" i Çorovodës, një shembull unikal që politika jonë nuk e ka bërë as edhe me një rast të vetëm.

Vdekja e parakohshme na ndau sot nga Ti, miku dhe shoku ynë i ngushtë.

Lamtumirë, Skënder Malindi!

Të qoftë i lehtë dheu i tokës mëmë!

Parajsa qoftë vendbanimi yt i përjetshëm!