Arrestohet 25- vjeçarja e dënuar me 7 vite burg për mashtrim
E reja mashtronte me qiratë e banesave
Një
25- vjeçare nga Tira na ka përfunduar në prangat e policisë, pasi ishte dënuar me 7 vite burg, për veprën penale "Mashtrim" i kryer në bashkëpunim. Bëhet fjalë për Xhuljana Fahri Çami, e cila u arrestua nga efektivë të komisariatit numër 3 në kryeqytet. Mësohet se e reja, së bashku me motrën e saj Enduina Çami, gjatë vitit 2011 kishin mashtruar persona të ndryshëm duke u dhënë banesa me qira, ndërkohë që këto banesa ishin marrë me qira edhe nga vetë ato. Nga hetimet ka rezultuar se të dyja motrat kanë
NJOFTIMI I POLICISË
Me anë të një njoftimi zyrtar nga ana e policisë së Tiranës u raportua: "Më datë 22.08.2016, specialistët e komisariatit të policisë Nr. 3, Tiranë, bënë të mundur kapjen e shtetases në kërkim Xhuljana Fahri Çami, 25 vjeçe, banuese në Tiranë. Këtë shtetase, Gjykata e Rrethit Gjyqësor Tiranë e ka dënuar me 7 vitet burg për veprën penale ' Mashtrim' i kryer në bashkëpunim".
marrë disa apartamente në disa zona të ndryshme të Tiranës, si tek "Rruga e Elbasanit", zona e "21 Dhjetorit" dhe më pas ua linin me qira disa personave të tjerë
në po të njëjtën kohë. Ato merrnin nga të dëmtuarit kapar ose qiranë për një vit dhe më pas zhdukeshin pa lënë asnjë gjurmë. Në të gjitha rastet e mashtrimit, vajzat gënjenin se apartamentet që ato linin me qira kanë qenë në pronësi të tyre apo të familjarëve të tyre, ndërkohë që vetë këto apartamente i kishin marrë me qira nga pronarët e vërtetë. Po ashtu, nga hetimet ka rezultuar se të dyja motrat prezantoheshin si emigrante në Amerikë apo edhe në vende të ndryshme të Europës. Pasi vajzat merrnin shumën e parave nga të dëmtuarit dhe largoheshin pa lënë asnjë gjurmë, u dërgonte aty- re një mesazh në telefon duke u thënë se ishin familjarë të dy vajzave dhe se ato kishin pësuar aksident jashtë vendit e ndodheshin në gjendje të rëndë. Për të gjithë këtë skenë mashtruese, Gjykata e Tiranës e dënoi me 7 vite burg 25- vjeçaren Xhuljana Çamin dhe me 5 vite burg motrën e saj, Enduinën.