ALUIZNI, 300 personat që kanë gati lejen

Drejtoria e Tiranës publikon listën me përfituesit, nisin procedurat për tapitë Dosja për aplikim për tapi përgatitet nga Agjencia dhe ZRRP- ja

ALUIZNI bën publik listën me 300 person at që kanë ndërtuar pa leje dhe kanë gati lejen e legalizimit. Përfituesit janë në qarkun e Tiranës dhe duhet të shkojë të tërheqin lejen pranë drejtorisë së këtij qyteti. Ndërsa për pajisjen me tapi të personave që kanë ndërtuar pa leje me ndryshimet e fundit në ligj do të bashkëpunojë ALUIZNI dhe ZRPP- ja pa qenë nevoja të aplikojë vetë përfituesi. ALUIZNI dorëzon në ZRRP verifikimin e gjendjes juridike të pronës ku janë ngritur ndërtimet informale, përditësimin e regjistrit të pasurive të paluajtshme, kartelave dhe hartave kadastrale, sipas blloqeve kadastrale ku janë ngritur ndërtimet informale dhe regjistrimin e lejes së legalizimit e të pasurisë së legalizuar. Kërkesa për informacion, për verifikimin e gjendjes juridike të pronës ( statusit juridik), dërgohet nga ALUIZNI pranë ZVR- PP- së, jo më vonë se 10 ditë nga data e evidentimit faktik në terren ( data e "Procesverbalit të evidentimit në terren") dhe shoqërohet nga harta vektoriale në format shkresor dhe elektronik. Ndërkohë, ZVRPP- ja brenda 15 ditëve nga administrimi i kërkesës, dërgon informacionin mbi gjendjen juridike të pronave në bllokun kadastral, në të cilin përfshihen: të dhënat mbi pronarin e pasurisë, hartën kadastrale në format shkresor dhe elektronik dhe kartelat. Në VKM është sanksionuar se, kur ZVRPP- ja nuk dërgon informacion, ALUIZNI vijon procedurat administrative për legalizimin e ndërtimit, duke kërkuar regjistrimin e tij. Kur zona kadastrale nuk i është nënshtruar regjistrimit fillestar dhe poseduesi i ndërtimit nuk disponon dokumentacion që provon pronësinë mbi truallin, ALUIZNI vijon procedurat e kalimit të së drejtës së pronësisë, si në rastin e ndërtimeve informale të ngritura mbi truall "shtet".