Dëmtohet Arlind Ajeti! Rrezikon të humbë FYROM- in
Ka ndjerë dhimbje të forta në muskujt e pasmë të kofshës. Gjimshiti ose Veseli mund ta zëvendësojnë Mbrojtësi braktisi stërvitjen duke çaluar
Një tjetër hall më shumë për Xhani de Biazin, që me sa duket miqësoren kundër Marokut, por edhe përballjen me ish- Republikën Jugosllave të Maqedonisë ( FYROM) më 5 shtator, duhet t'i llogarisë pa qendërmbrojtësin më në formë të ekipit tonë përfaqësues. Arlind Ajeti nuk ka qenë i grumbulluar në takimin e së dielës në mbrëmje, ndërsa Torinoja e tij u mposht nga Milani me rezultatin 3- 2, për shkak të shqetësimeve që ka pasur gjatë javës, ndërsa kofsha e qendërmbrojtësit të lindur në Bazel, është "thyer" pikërisht dje.
DËMTIMI
Arlind Ajeti është në pritje të diagnozës së tij. Klubi njoftoi se 22- vjeçari pësoi një lëndim muskulor gjatë seancës stërvitore të paradites së kësaj të hëne, të zhvilluar në qendrën sportive të "granatave", Sisport. Bëhet fjalë për një problem në pjesën e pasme të kofshës
së djathtë. Gjithçka ndodhi në fund të ndeshjes testuese përballë një skuadre të përzier të ekipeve të moshave të Torinos. Pamja nuk ishte aspak ngushëlluese, pas dhimbjes së shfaqur nga mbrojtësi kuqezi, gjesteve shqetësuese nga lojtari dhe stafi mjekësor që i dhanë ndihmën e parë duke i ven- dosur fasho, ndërsa doktorët e ndihmuan lojtarin që çalonte, të largohej nga fusha. Klubi njoftoi se diagnoza e saktë rreth dëmtimit do të jepet në ditët në vazhdim, pas kryerjes së kontrolleve të specializuara, për të kuptuar se në çfarë grade është dëmtimi muskulor dhe sa kohë do t'i nevojitet Arlind Ajetit që të rikthehet i gatshëm, në tentativën që të sigurojë një fanellë titullari në radhët e Torinos.
KOMBËTARJA
Por në pritje të lajmeve për gjendjen e Arlind Ajetit, shqetësimi është bërë prezent edhe në Kombëtare. Arlind Ajeti shkëlqeu në Europianin e fundit, ndërsa paraqitja dinjitoze në "Francë 2016" u bë shkak që mbrojtësi i dalë me parametër zero nga Bazeli, të firmoste për klubin e Torinos, ndonëse pati oferta të bollshme. Ndaj për këtë arsye, një lajm i mundshëm për një tërheqje muskulore të gradës së fundit do të hidhte në erë shanset e tij për të qenë në fushë të hënën e 5 shtatorit në "Loro Boriçi", kur kuqezinjtë tanë do të presin përfaqësuesen e ish- Republikës Jugosllave të Maqedonisë. Por nëse është dëmtim i shkallës së 3- të apo të 4- rt, Ajeti mund të humbasë dhe takimin e 6 tetorit kundër Lihtenshtejnit. Sa u takon zëvendësimeve të mundshme, me Lorik Canën që ka deklaruar më herët se e ka mbyllur me Kombëtaren pas Europianit, alternativat e De Biazit do të jenë vetëm dy, Berat Gjimshiti dhe Frederik Vesili. Gjimshiti është pjesë e Atalantës, ndërsa Veseli e Empolit, ndërsa asnjëri nga dy mbrojtësit nuk ka qenë i grumbulluar me klubet respektive në humbjet ndaj Lacios ( 3- 4) dhe Sampdorias ( 0- 1).