Miratohet “Vettingu”, pr/ ligji kalon në parim, por pa konsensus
Debatet, PD konteston: EURALISUS s'ka reflektuar shqetësimet thelbësore PD, drejt Kushtetueses për 25 nene të shqyrtuara
Komisioni i Reformës në Drejtësi pas shumë debatesh miratoi dje në tërësi pa konsensusin e opozitës projektligjin për "vetting"- un të paraqitur si draft nga EURALIUS. Në një mbledhje 4 orë me dyer të mbyllura u diskutua projektligji për ' vetting'- un, atë për SPAK dhe organet e pushtetit gjyqësor. Për Partinë Demokratike, drafti i diskutuar në mbledhjen e djeshme të komisionit devijon nga Kushtetuta. Gjatë mbledhjes së djeshme, mazhoranca dhe opozita u përplasën fort për ligjin më të rëndësishëm të reformës në drejtësi, ndërkohë që PS dhe LSI e kaluan vetëm me votat e tyre, ndërsa opozita abstenoi për votimin në parim dhe votoi kundër për disa nene. Nënkryetari Oerd Bylykbashi deklaroi se ligji në këtë formë devijon nga Kushtetuta e miratuar më 21 korrik. Ai paralajmëroi dërgimin në Gjykatën Kushtetuese. Opozita nuk pranoi ta votojë, ndërkohë që paraqiti 47 amendamente për draftin. Por, të 47 amendamentet e PD- së për ' vetting'- un, pra verifikimin e pasurisë dhe figurës së gjyqtarëve dhe prokurorëve, u rrëzuan. Gjë që nuk u mirëprit nga deputetet e djathtë, që në fund e quajtën të gjithë ligjin antikushtetues dhe që devijon dukshëm nga ajo që u miratua me konsensus në 22 korrik. Demokratët votuan pro në parim, kundër nen për nen, ndërsa refuzuan të merrnin pjesë në votimin total të ' vetting'- ut. Atyre iu pranuan vetëm teknikalitetet që EURALIUS e OPDAT i kishin përfshirë në draftin e tyre dhe të shënuara me të kuqe. Por, nëse ' vettin'- gu pritet të hidhet në votë në një seancë të jashtëzakonshme brenda gushtit, nuk duket se do kenë të njëjtin fat dy ligjet e tjera, ai për Byronë e Hetimit dhe
institucionet e reja të drejtësisë.
PD paraqiti në komision në draft tjetër alternativ me 47 amendamente për 25 nenet e para të ligjit. Por, në to prekeshin edhe 4 shtyllat e cilësuara si të panegociueshme nga ndërkombëtarët.
Vendoseshin afate për kohëzgjatjen e hetimeve të gjyqtarëve dhe prokurorëve. Ndërsa, paratë e njerëzve të ' vetting'- ut, pra kupolës që do të kontrollojnë drejtësinë shqiptare, çuditërisht i kalonin kompetencë hetimi Inspektoratit të kontrollit dhe dek- Kryeministri Edi Rama reagoi vetëm mbrëmjen e djeshme për miratimin e projektligjit të “Vetingut”. Në faqen e tij në Facebook ai shkruajti shkurt për situatën; - “PD refuzoi sot projektligjin e Vetingut që mbështetet nga SHBA/ BE! Drafti kaloi në komision me votën e shumicës.
larimit të pasurive, institucion i anatemuar më herët nga PD. Ndërkohë që EURALIUS ia la këtë detyrë Drejtorisë Kundër Pastrimit të Parave. PD e ul në 60 moshën e njerëzve të ' vetting'- ut, që për ndërkombëtarët duhet të jetë 65. Gjithashtu, shton një sërë
afatesh që duhen zbatuar nga Presidenti i Republikës. I paprekur mbetej megjithatë roli i ndërkombëtarëve në verifikimin e kandidatëve për anëtarë të sistemit të drejtësisë. Përfaqësuesi demokrat, Oerd Bylykbashi tha se ligji bie ndesh me Kushtetutën e
miratuar më 22 korrik. Ai tha se amendamentet e opozitës u rrëzuan pa asnjë argument dhe shtoi se Partia Demokratike do të ndjekë të gjithë rrugën ligjore kundër projektit të kaluar, duke mos përjashtuar këtu as Gjykatën Kushtetuese. "Ky projektligj është antikushtetues dhe nuk do t'i qëndrojë dot testit të kushtetutshmërisë. I rezervojmë vetes që të ndërmarrim hapa të tjerë legjislativë për këtë ligj, çdo instrument për të garantuar që ky ligj përputhet dhe nuk shmanget nga vullneti konsensual i 22 korrikut. Ky ligj sot devijon rëndë nga Kushtetuta", deklaroi z. Bylykbashi. Ndërsa, socialisti Pandeli Majko informoi se mazhoranca ka miratuar të gjitha vërejtjet e Partisë Demokratike që kanë marrë më parë dritën jeshile nga misionet ndërkombëtare, OPDAT i Shteteve të Bashkuara dhe EURALIUS i Bashkimit Europian. "Të gjitha vërejtjet e Partisë Demokratike që patën konsensusit e ndërkombëtarëve u miratuan nga mazhoranca. Kërkuam mirëkuptimin e opozitës, që në të gjithë procesin e komenteve të kihej parasysh parimi që do të pranonim të votonim gjithçka që ndërkombëtarët do të pranonin. Sot janë pranuar të gjitha komentet e pranuara nga EURALIUS dhe OPDAT", u shpreh z. Majko.