PD kërkon afate për rivlerësimin e figurës së kandidatëve
Amendamentet për ' vetting'- un, ku ndahet PD nga EURALIUS
PD-
ja ka përgatitur 47 amendimet për 25 nenet e para për ligjin e ' vetting'- ut. Drafti i opozitës është më i detajuar nga ai i EURALIUS dhe vihen re që janë shtuar 22 nene. Sipas PD- së, ky version bazohet tek argumentet, sugjerimet dhe vërejtjet e shprehura në opinionin e tyre të depozituara në Komisionin e Posaçëm më datë 1 gusht 2016. Riformulimi në dispozita konkrete sipas tyre është bërë për të lehtësuar dhe përshpejtuar punën e shqyrtimit të shqetësimeve tona dhe për të qartësuar komentet e bëra, e për pasojë nuk mund të vlerësohet si version i ri i projektligjit të depozituar në Komisionin e Posaçëm, por amendamente përmirësuese të aspekteve të caktuara të tij. Në draftin e paraqitur nga PD për ligjin për ' vetting'- un vihet re se kërkohet që kontrolli i të ardhurave të bëhet nga ILDKPKI, ndryshe nga sa propozohet në draftin e EURALIUS dhe OPDAT, ku theksohet se kontrolli i të ardhurave do të kryhet nga Drejtoria e Parandalimit dhe Pastrimit të Parave. Një tjetër pikë ku PD kundërshton draftin e ekspertëve të EURALIUS dhe OPDAT është edhe periudha e rivlerë- simit të kandidatëve. Sipas ekspertëve ndërkombëtarë, nuk duhet të ketë afate kohore për këtë procedurë. Nga ana tjetër, PD kërkon afate. Në nenin 6, në amendamentet e PD propozohen afate sa i përket vlerësimit të figurës dhe anës profesionale të anëtarëve të sistemit të drejtësisë, ndërsa EURALIUS nuk ka parashikuar afate për këtë proces. Një tjetër ndryshim i propozuar në mendimet e PD- së është edhe neni 6, i parashtruar në amendamentin numër 9 të draftit të PD- së. Sipas këtij propozimi, personat që do të jenë në komisionin e vlerësimit nuk duhet të jenë më shumë se 60 vjeç, ndërsa në draftin e ekspertëve të huaj parashikohet që anëtarët të mos jenë më tepër se 65 vjeç. Gjithashtu, PD kërkon caktimin e afateve për presidentin në shqyrtimin e kandidaturave për anëtarë të ' vetting'- ut dhe fut në loje sekretarin e përgjithshëm të presidentit. Gjithashtu, PD propozon heqjen e nenit 25 për rrogat e anëtareve dhe këshilltarëve të ' vetting'ut. Në amendamentet e PD- së mbetet i paprekur roli i ndërkombëtarëve në verifikimin e kandidatëve për anëtarë të sistemit të drejtësisë. Por, për këto propozime komisioni u shpreh kundër dhe u miratua projektligji i propozuar nga ekspertët e EURALIUS dhe OPDAT.