Aksidentohet shefi i qarkullimit rrugor, Blerim Bërbati
GJIROKASTER - Shefi i qarkullimit rrugor të Gjirokastrës, Blerim Bërbati është aksidentuar dje në Qafë- Muzinë. Ai është dërguar menjëherë në spitalin e këtij qyteti, ku dhe ka marrë ndihmën e parë mjekësore. Mjekët pohuan se Bërbati ndodhet jashtë rrezikut për jetën. Ndërkohë, burime nga policia lokale pohuan se Blerim Bërbati ka marrë plagë të lehta në kokë dhe se dëmtimet nuk janë serioze. Shkak i aksidentit dyshohet rrëshqitja në rrugë e mjetit për shkak të motit të keq dhe lagështirës.