Vjedhjet në banka, BSH ndryshon rregulloren
Katër rreziqet potenciale për sistemin bankar në vend Grabitja dhe gabimet në sistem, risqet më të mëdha
Vjedhjet dhe gabimet në sistem janë dy rreziqet potenciale në parave në banka dhe për minimizimin e tyre, Banka e Shqipërisë ka miratuar një rregullore, e cila autorizon Këshillin e Mbikëqyrjes që të përcaktojë parimet, nivelin e tolerancës ndaj rrezikut, objektivat, mënyrën e qeverisjes, rolet dhe përgjegjësitë në Administrimin e Rrezikut Operacional. Sipas Bankës së Shqipërisë, rreziqet që vijnë nga njerëzit janë kualifikuar si humbjet e krijuara nga shkelja e kuadrit rregullativ të brendshëm nga punonjësit e bankës. Rregullorja e re përcakton se këto humbje krijohen si rezultat i stafit të pamjaftueshëm, mungesës së njohurive të kërkuara, pamjaftueshmërisë së trajnimit dhe zhvillimit të aftësive të stafit, kompetencave të dhëna, mbikëqyrjes së pamjaftueshme, largimit të punonjësve kyçë, praktikave të punësimit, mungesës së planifikimit për vijimësinë e punës, mashtrimeve ose mosrespektimit të standardeve etike dhe integritetit në punë. Këto humbje mund të shkaktohen edhe në mënyrë të qëllimshme. Këto rreziqe lidhen me humbjet e krijuara si rezultat i dështimit apo dizenjimit të papërshtatshëm të rrjedhës së proceseve, mangësive në një procedurë ekzistuese të lidhur me aktivitetet e realizuara, mangësive në evidentimin, shpërndarjen, qartësinë e të kuptuarit, zbatueshmërinë apo mosrealizimin në vijimësi në mënyrën e duhur të proceseve. Në rregulloren e re këto humbje konsiderohen të paqëllimshme.
RREZIQET NGA SISTEMET
Humbjet nga sistemet lidhen me mangësitë në konfigurimin ose implementimin e sistemeve, papërshtatshmërisë, si dhe mosfunksionimit të tyre në mënyrën e duhur ( në mënyrë të plotë ose të pjesshme). Përgjithësisht këto humbje janë të paqëllimshme. Në rastin kur këto humbje janë të qëllimshme, do të klasifikohen në kategoritë "Njerëzit" ose "Ngjarje të jashtme". Banka e Shqipërisë i ka klasifikuar rreziqet e jashtme, ato lidhen me humbjet e krijuara si rezultat i ndodhjes së një ngjarjeje që është jashtë kontrollit të bankës ( forca të natyrës, veprimi i një pale të tretë etj.). Rregullorja e re autorizon Këshillin e Mbikëqyrjes që përcakton parimet, nivelin e tolerancës ndaj rrezikut, objektivat, mënyrën e qeverisjes, rolet dhe përgjegjësitë në Administrimin e Rrezikut Operacional. Ndërsa, inspektori i përgjithshëm përcakton mënyrën e identifikimit të proceseve, të vlerësimit të rrezikut të qenësishëm. Gjithashtu, inspektori mbikëqyr veprimtarinë e Njësisë së Administrimit të Rrez- ikut Operacional dhe bazuar në raportimet e përgatitura nga kjo njësi, rishikon, miraton dhe përcjellë këto raportime pranë administratorëve, komitetit të auditimit dhe Këshillit Mbikëqyrës. Administratorët përkatës, pas konsultimit të përbashkët, vendosin për një nga katër mënyrat e trajtimit të rrezikut, në përputhje me Politikën për Administrimin e Rrezikut Operacional dhe tolerancën e përcaktuar nga Këshilli Mbikëqyrës. Në rastet e vendimmarrjes për pranimin e rrezikut ( kur nuk ndërmerret asnjë plan veprimi), miratimi për pranimin i takon në çdo rast guvernatorit. Katër format e trajtimit të rrezikut janë: shmangia, transferimi, minimizimi dhe pranimi.