Denoncimi i Spahiut: 50 euro për çdo njeri, thasë në çdo katund të Dibrës
Fushata zgjedhore, PD akuza Ramës se po tenton të blejë vota në Dibër Ristani: Shefi i Krimeve i Mirditës, krah Arben Ndokës
Kreu i Aleancës Ku qezi, Kreshnik Spah iu akuzoi dje PS- në se po tenton të blejë votat e qytetarëve në Dibër. Sipas tij, në Dibër po blihen votat dhe një person po paguhet 50 euro. Ai e konsideron situatë revolucioni në Dibër dhe përmend se Edi Rama nuk e lëshon pushtetin me zgje- dhje të lira. "DIBRA KUQEZI: O milet, mos e shisni nderin me para. Plas ndarja me thasë në çdo katund, 50 euro për çdo njeri. Peshkopia 25.000 votues. PS po tenton të blejë 20.000 vota x 50 euro = 1 milion euro. Edi Rama nuk e lëshon pushtetin me zgjedhje të lira. Situatë revolucioni në veri të Shqipërisë", shkruan z. Spahiu në "Facebook". Po dje, edhe Partia Demokratike akuzoi kryeministrin Edi Rama se ka aktivizuar banda kriminale dhe i mbështet ato me oficerë të policisë për të manipuluar zgjedhjet në Dibër. Sekretari i Përgjithshëm, Arben Ristani, tha se në krah të ish- deputetit Arben Ndoka, i cili është angazhuar në manipulimin e zgjedhjeve në Dibër, qëndron shefi i krimeve të Mirditës, Klajdi Osmani. Akuzën ai e shoqëroi me një fotografi. "I braktisur nga dibranët dhe shqiptarët dhe përballë humbjes së thellë të 11 shtatorit, Edi Rama ka mobilizuar banditë e kriminelë dhe u ka vënë atyre në dispozicion oficerë të korruptuar dhe të kriminalizuar të policisë. Përkrah trafikantit të femrave Arben Ndoka, në fushatën elektorale të Dibrës. Edi Rama ka çuar, siç e shihni në këtë foto të publikuar nga mediat, shefin e krimeve të Mirditës, Klajdi Osmani. Ky person i njohur si garant i trafikantëve të drogës në Mirditë, është angazhuar në fushatën elektorale të Partisë Socialiste në Dibër", - deklaroi z. Ristani. Sipas tij, humbja e Ramës është e pashmangshme, sepse nuk ka mbajtur asnjë premtim ndaj dibranëve, por i ka zhytur në varfëri dhe pasiguri. "S'ka bërë asnjë investim, s'ka hapur asnjë vend të ri pune, ka dhunuar dhe poshtëruar Dibrën dhe çdo dibran të djathtë e të majtë. E vetmja kontratë që ka Rama dhe kandidati i tij është ajo me krimin. Por i ka bërë llogaritë gabim. S'ka kriminel, bandit apo trafikant që të ruajë pushtetin e Edi Ramës. Koha e tij ka mbaruar! Shqipëria do të jetë më mirë pa Edi Ramën", - u shpreh z. Ristani. Ndërkohë që, në një tjetër deklaratë, zëdhënësja Ina Zhupa akuzoi kryeministrin se po i jep tendera korruptiv deputetit socialist Sadri Abazi, para të cilat po përdoren për blerjen e votave në Dibër. "Një tjetër tender në kundërshtim me ligjin prej 1.73 miliardë lekësh për rivitalizimin e hapësirave publike në zonën pranë Pallatit të Kulturës në Dibër. Oferta e kompanisë ' ALKO Impex' ishte 220 milionë lekë më shumë se oferta më e ulët", - deklaroi zj. Zhupa. Sipas demokratëve, kryeministri është braktisur nga dibranët, pasi në tri vite qeverisje atë zonë e la në harresë. Komisioni Qendror i Zgjedhjeve në mbledhjen e djeshme miratoi modelin e fletës së votimit për zgjedhjet që do të mbahen për Bashkinë e Dibrës më 11 shtator. Pas hedhjes së shortit, emri i kandidatit të mazhorancës, Muharrem Rama do të jetë i pari i renditur në fletën e votimit, ndërsa rivali i tij, Sherefedin Shehu, përfaqësues i të djathtëve, do të jetë i dyti në listë. Dibra zhvillon zgjedhje më 12 shtator për kreun e ri të Bashkisë së Peshkopisë. Kryeministri
Edi Rama prezantoi projektin për transformimin e bulevardit të Bashkisë së Dibrës. Kreu i qeverisë postoi dje në "Facebook" foto nga projekti i Rilindjes Urbane për transformimin e bulevardit të Bashkisë së Dibrës. "Ka nisur puna për transformimin rrënjësor