Fushata në Dibër, Basha e Mustafaj sot përkrah në mitingun prezantues
Ish- ministri i Jashtëm rikthehet në PD pas 7 vitesh mungesë "Sherefedin Shehu, zgjedhje e shkëlqyer për Dibrën"
Besnik Mustafaj rik thehet në PD pas një shkëputjeje të gjatë, tashmë përmes angazhimit aktiv në fushatën elektorale të kandidatit të djathtë, Sheferedin shehu. Pas largimit prej më shumë se shtatë vitesh nga Parlamenti, ishministri i Jashtëm dhe deputeti i PD- së, Besnik Mustafaj rikthehet për t'i dhënë mbështetje të fortë kandidatit të opozitës për postin e kryebashkiakut të ri të Peshkopisë. Në një status në faqen e tij në "Facebook", Mustafaj shkruan se do të bëhet pjesë e fushatës së Sherefedin Shehut për Bashkinë e Dibrës. Z. Mustafaj vlerëson figurën e kandidatit Shehu në rrjete sociale. Mustafaj është zotuar se do të jetë pjesë aktive në mbështetjen e kandidatit të opozitës, Sherefedin Shehu dhe këto ditë do të marrë pjesë në takimet me banorët e Dibrës, si dhe do të jetë i pranishëm në mitingun e madh prezantues që zhvillohet sot në Dibër. Besnik Mustafaj do të jetë përkrah kreut të PD- së, Lulzim Basha paraditen e sotme në mitingun e madh që do të zhvillohet në Peshkopi. Z. Basha mësohet të ketë udhëtuar që pasditen e djeshme drejt Dibrës për të shprehur mbështetjen e kandidatit të opozitës. Ndërsa mbështetjen e tij Mustafaj e lajmëroi vetë dje përmes një statusi në "Facebook". "Disa miq, pjesëmarrës në lëvizjen për demokraci në fillimet e saj, më thonë se në Dibër këto ditë po ndodh diçka e ngjashme me çfarë kemi jetuar njëzet e pesë vite më parë: po ngjallet shpresa. Bashkë me mikun tim Lulzim Ndreu, pasardhës i denjë i të madhit Elez Isufi, po shkojmë ta sho-
him në vend këtë mrekulli dhe ta përshëndesim Sherefedin Shehun", shkruan Mustafaj. Menjëherë pas zyrtarizimit nga PD të kandidaturës së z. Shehu, Besnik Mustafaj u shpreh se kandidimi i Sherefedin Shehut për kryetar të Dibrës ishte një zgjedhje e shkëlqyer. Edhe pse një nga zërat kritikë në PD, Mustafaj e çmon zgjedhjen e Shehut si kandidat për Bash-
kinë e Dibrës. Në një postim në rrjetet sociale, Mustafaj e vlerëson Sherefedin Shehun. "Një zgjedhje e shkëlqyer për Dibrën nga ana e PD. Sigurisht një sakrificë e madhe për vetë Sherefedin Shehun, por nga ato sakrifica që e rrisin atë si politikan, në sytë e dibranëve dhe të mbarë shqiptarëve", është shprehur para disa ditësh në "Facebook", Mustafaj.