Gjiknuri, në Dibër krah Ramës: S'ka përçarje koalicioni
Kandidati
i PS- së, Mu harrem Rama, vijoi dje fushatën në njësinë administrative të Melanit dhe në fshatrat e tij. Rama premtoi përfundimin e rrugës në fshatin Pjekë, rregullimin e qendrës shëndetësore me një projekt izraelit, ashtu sikurse rikonstruksionin e shkollës. "Do të sistemojmë kanalet vaditëse dhe ato të ujërave të zeza. Do të zgjidhim problemin e transportit të fëmijëve të shkollës 8- vjeçare, duke vendosur një mjet lëvizjeje për fshatrat. Do të bëjmë lidhjen e rrjetit infrastrukturor. Do të sistemojmë rrugën e Ilnicës, duke pasur edhe prioritet turizmin malor dhe zbutjen e varfërisë në atë zonë. Në mbështetje të zhvillimit të bujqësisë do të ngremë një pikë për grumbullimin e frutave. Këto janë premtime të vogla. Por, më mirë t'u japim premtime të vogla dhe t'i realizojmë", deklaroi z. Rama. Në këtë takim, kandidati shoqërohej prej koordinatorit të Kryesisë së Partisë Socialiste për qarkun e Dibrës, z. Damian Gjiknuri. Ministri Gjiknuri tha se e majta ka një koalicion shumë të gjerë dhe mbështetje popullore, çka e tregoi dhe mitingu i së martës. "Edhe mesazhet ishin të qarta. Nuk ka përçarje. Zgjedhja është shumë e thjeshtë, numri 1 në fletën e votimit", u shpreh Gjiknuri.