Vdekja e Gjoklajt në Sharrë, lirohet përgjegjësi i firmës

Gjykata

e Apelit Ti ranë vendosi të lërë në "arrest shtëpie" Besnik Brahën, përgjegjësin e firmës "3R", e cila menaxhon landfillin e Sharrës, vend ky ku u gjet i pajetë 17- vjeçari Ardit Gjoklaj. Në Apel, ankimimi u bë nga avokatët e 53- vjeçarit Braha. Ndërsa, sot Gjykata e Apelit do të shqyrtojë masën e sigurisë për Edmond Kallarin, i cili ishte drejtuesi i ekskavatorit me të cilin u shtyp 17- vjeçari, si dhe për Dëfrim Hakramën, përgjegjësin e turnit në Sharrë. Ndërkaq, më 10 gusht Gjykata e Tiranës la në "detyrim paraqitjeje" përgjegjësin e punonjësve, Bujar Daja. Ndërsa vijon të mbetet ende në kërkim administratori i firmës "3R", Edurim Teqa. Pasditen e 7 gushtit, 17- vjeçari u gjet i pajetë në Sharrë, në landfilld, ku kishte filluar punë në sektorin e seleksionimit. I riu u gjet i mbuluar me plehra dhe me dëmtime të shumta në të gjithë trupin, ndërsa dyshohet se është aksidentuar për vdekje nga një mjet tip "Ekskavator me kova", gjatë punës në landfill. Ndërkohë, ditën e djeshme, Partia Demokratike vijoi sërish me akuzat ndaj kryebashkiakut të Tiranës, Erjon Veliaj, lidhur me këtë ngjarje. Sekretarja e Marrëdhënieve me Publikun, Grida Duma solli në vëmendje një video ku flet kryebashkiaku Veliaj. "Dëgjojeni pak thirrjen publike të këtij që sot hesht, censuron mediat e që po bllokon zbardhjen e së vërtetës për aferën e madhe kriminale e korruptive të landfillit të Sharrës", - tha Duma. Menjëherë pas akuzave të PD- së, reagoi edhe Bashkia e Tiranës. Me anë të një komunikate për mediat, bashkia thekson se çdo ditë po haset me sulme politike. "Çdo ditë përballemi me sulme politike, të cilat nuk i shërbejnë as punës sonë të përditshme, as qytetit tonë. Këto sulme bëhen edhe më absurde kur vijnë pikërisht nga ata njerëz që për katër vite me radhë zgjodhën të flinin gjumë, duke e lënë qytetin në mëshirë të fatit e që për 4 vjet nuk zgjidhën, edhe pas shumë aksidenteve, çështjen e landfillit të tejmbushur të qytetit, i cili për faj të po këtyre njerëzve kishte degjeneruar në një fushë- betejë për grumbulluesit e mbetjeve", thuhet në reagimin e Bashkisë së Tiranës.