Makina "BMW X6" u ikën "Shqiponjave", përplaset me avllinë e shtëpisë
Një mjet "BMW X6" me targa AA868NS ka përfunduar në oborrin e një shtëpie. Aksidenti ka ndodhur te "Komuna e Parisit" dhe mësohet se mjeti po ndiqej nga policia. Drejtuesi i cili ishte në ndjekje për një sherr që kishte kryer para 6 muajsh nuk i është bindur urdhrit të bluve për të ndaluar dhe në ndjekje nga policia ai është aksidentuar. Shoferi ka lënë makinën dhe është larguar, por është arrestuar pak metra më tutje nga forcat "Shqiponja", të cilët kanë bërë kontrollet në automjetin ku udhëtonin 3 personat e ndaluar dhe nuk kanë konstatuar sende të ndaluara.