Kriteret dhe kushtet e pranimit në universitet
Kandidatët që s'kanë aplikuar online nuk mund të regjistrohen dhe as të shpallen fitues në asnjë universitet privat Në raundin e dytë janë 16.247 kuota të lira në publik
Mesnatën e ditës së djeshme mat urantët e kryeqytetit kanë pasur datën e fundit të aplikimit në universitet. Sot ka nisur regjistrimi i kandidatëve nga Elbasani, Peqini, Gramshi, Librazhdi, Korça, Pogradeci, Kolonja dhe Devolli. Në kalendarin bashkëngjitur janë data e aplikimit për rrethet e tjera. Në datë 1 tetor 2016 portali do jetë i hapur për të gjithë ata aplikantë që për arsye të ndryshme nuk kanë mundur të aplikojnë online. Në fazën e dytë të pranimeve në 12 universitetet publike janë në total 16.247 kuota të lira. Ndërkaq, në tabelat bashkëngjitur shkrimit gjeni kriteret për secilin nga universitetet publike në Tiranë dhe në rrethe. Po ashtu, edhe kriteret e pranimit për universitetet private. Maturantët që duan të studiojnë në institucione private, edhe në këtë fazë kanë mundësi që të aplikojnë online, pasi nëse një kandidat nuk ka aplikuar online, nuk mund të regjistrohet dhe as të shpallet fitues në asnjë universitet privat. Procedurat e pranimit në universitete edhe në këtë raund të dytë nuk ndryshojnë, pra janë të njëjtat kritere pranimi, ndaj kandidatët duhet të bëjnë kujdes kur zgjedhin 10 programet e studimit në formular. Ata duhet të verifikojnë lëndët preferenciale, pasi nëse një lëndë që maturanti nuk e ka zhvilluar në gjimnaz, por preferohet nga fakulteti, kandidatin e penalizon, pasi i bie të hyjë në garë me 5,10 apo 20% të pikëve minus, në varësi të peshës që fakulteti i jep lëndës përkatëse. Ndërkohë që kushti për të garuar në të gjitha universitetet është mesatarja 6, e cila është përcaktuar nga qeveria si kriter për aplikim.
Në Universitetin e Mjekësisë, kriter janë: nota mesatare e Maturës Shtetërore 35 %; nota mesatare e 3 ( tri) viteve të shkollës së mesme 35%; lëndët formuese 30%. Lëndët formuese që preferon Universiteti i Mjekësisë janë 3, Kimia 10%; Biologji 10%; Fizikë 10%. Pjesë e kritereve të UMT janë edhe koeficientet e shkollave të mesme, ku ato me kohë të plotë kanë koeficient 1.4, ndërsa të gjitha shkollat e tjera të mesme kanë koeficientin 1. Në këtë fazë të dytë si rrallëherë UMT ka pjesën dërrmuese të kuotave të paplotësuara, plot 553 kuota. Si rrallë herë në Farmaci, Logopodi, Teknik Laboratori nuk ka pasur asnjë të regjistruar. Universiteti i Tiranës ka përcaktuar se 50% të peshës në formulën e pranimit e ka mesatarja e tri viteve të shkollës së mesme, përfshi edhe mesataren e notave të provimeve të Maturës Shtetërore. Ndërkohë që 50% do e ketë nota mesatare e gruplëndëve të përcaktuara si pri-
APLIKIMI ON- LINE RAUNDI II DO TË REALIZOHET NËPËR DAR/ ZA SIPAS PLANIT KALENDAR TË MËPOSHTËM:
oritare nga fakultetet përkatëse. Në total ky universitet në raundin e II ka rreth 4 mijë kuota bosh. Për shembull, Fakulteti i Shkencave të Natyrës, dega Biologji, ka përcaktuar si lëndë prioritare: Biologjinë me 20%, Kiminë me 10%, Fizikën me 10% dhe Matematikën me 10%. Kjo do të thotë se për të rritur shansin e pranimit në këtë degë, atëherë ju duhet të keni nota të larta në këto 4 lëndë, në mënyrë që të fitoni sa më shumë pikë në renditjen përfundimtare. Në Universitetin Politeknik kandidatët do të renditen sipas pikëve të grumbulluara nga llogaritja e rezultateve të shkollës së mesme sipas formulës: [ 0.7 x Nota mesatare + 0.3 x ( Mes Matematikë + Mes Fizikë + Mes Kimi) / 3] x Koeficientin e shkollës. Në Universitetin Politeknik nga 1662 kuota pranimi në fazën e parë, janë regjistruar vetëm 259 fitues, duke lënë 1403 kuota bosh për këtë rund të dytë të pranimeve.