Amendamenti/ LSI kundër qeverisë Vasili: Të hiqet akciza për gazin e lëngshëm
41 karaktere okelio okelio okelio okelio okelio
LSI
ka dalë kundër qever isë për rritjen e akcizës së gazit të lëngshëm, që përdoret nga automjetet. Kreu i grupit parlamentar të LSI, Petrit Vasili ka depozituar një amendim për projektligjin për akcizat, ku ka kërkuar heqjen e nenit 4 të draftit të paraqitur, që sjell rritjen me 13 lekë për litër të gazit të lëngshëm që përdoret për automjetet. Kreu i grupit parlamentar të LSI- së, Petrit Vasili i ka dërguar amendimin Kuvendit, duke sqaruar edhe arsyet e kërkesës së grupit parlamentar. Sipas tij, kjo është një kosto që e rëndon buxhetin e familjarëve, pasi rritja është tepër e lartë krahasuar me çmimin aktual të gazit, që për- doret për furnizimin e automjeteve të qytetarëve. Po kështu, Vasili thotë në argumentimin e kërkesës se biznese të vogla dhe të mesme, edhe të mëdhenj mes tyre, mjetet e transportit prej kohësh për efekt kostoje i kanë orientuar drejt përdorimit të gazit të lëngshëm. "Rritja me 13 l/ litër ose më thjesht akoma, një rritje me më shumë se 25% të çmimit aktual, do t'i rëndonte së tepërmi buxhetet e këtyre sipërmarrësve, të cilëve u ka kushtuar jo pak instalimi i impianteve të gazit të lëngshëm", shprehet Vasili. "Amendamenti që propozojmë lidhet me vendosjen e akcizës për gazin e lëngshëm, që përdoret nga mijëra qytetarë për furnizimin e automjeteve të tyre. Si propozues i këtij amendamenti gjykoj se kjo është një kosto që e rëndon buxhetin e familjarëve, pasi rritja është tepër e lartë krahasuar me çmimin aktual të gazit, që përdoret për furnizimin e automjeteve të qytetarëve. Është fakt që janë shtuar së tepërmi automjetet familjare që përdorin gaz të lëngshëm dhe ku për këtë arsye, mijëra qytetarë kanë përshtatur automjetet për përdorimin e gazit duke shpenzuar jo pak për këtë. Gjithashtu, biznese të vogla dhe të mesme, edhe të mëdhenj mes tyre, mjetet e transportit prej kohësh për efekt kostoje i kanë orientuar drejt përdorimit të gazit të lëngshëm. Rritja me 13 l/ litër ose më thjesht akoma, një rritje me më shumë se 25% të çmimit aktual do t'i rëndon- te së tepërmi buxhetet e këtyre sipërmarrësve, të cilëve u ka kushtuar jo pak instalimi i impianteve të gazit të lëngshëm, modernë e të sigurt, duke e përllogaritur si zgjidhjen më të mirë edhe sepse gazi i lëngshëm nuk përfshihej në mallrat e akcizës. Në kushtet kur qytetarët përballen me mjaft vështirësi ekonomike është jo i arsyeshëm rëndimi i tyre me vendosjen e kësaj akcize. Akoma më i domosdoshëm bëhet mosmiratimi i saj edhe në kushtet e luhatjes së vazhdueshme të çmimeve të karburanteve, të cilat i përballin qytetarët me shpenzime shtesë që rëndojnë shumë buxhetin familjar", thuhet në kërkesën drejtuar Kuvendit.