Trafik kokaine e prostitutash, goditet banda e shqiptarëve
Aksioni në Milano, linja e trafikimit Shqipëri- Holandë- Itali Operacioni "Toka jonë", 14 të arrestuarit janë shqiptarë
Një linjë e trafikut të drogës nga Shqipëria në rrugët e Milanos, duke kaluar nëpër Holandë, është prerë nga Policia e Shtetit në Itali. Banda me 14 shtetas shqiptarë shfrytëzonte vajza rumune, shqiptare, çeke dhe moldave për prostitucion dhe të ardhurat i investonin për të blerë kokainë në Holandë, e cila më pas shitej në Itali. "Policia italiane ka shkatërruar një bandë kriminelësh me origjinë shqiptare që kontrollonin një pjesë të rrjetit të prostitucionit dhe shpërndarjes së drogës në Milano dhe një pjesë të Lombardisë", shkruajnë mediat italiane. 14 persona janë arrestuar, të gjithë të akuzuar për trafik ndërkombëtar droge dhe shfrytëzim prostitucioni. Sipas prokurorisë, banda detyronte vajza të reja nga Europa Lindore të shiteshin në rrugët e Milanos dhe pasi merrnin fitimet e tyre, i riinvestonin për të blerë sasi të mëdha kokaine, që shitej kryesisht në tregun milanez dhe lombard. Urdhrat e ndalimit janë vendosur nga autoriteti gjyqësor që hetonte prej janarit të vitit të kaluar lidhjet mes Shqipërisë, Italisë e Holandës të vendosura prej kohësh. Operacioni "Toka jonë", kishte çuar në mars të vitit 2015 në arrestimin e dy shtetasve shqiptarë që kishin fshehur 5 kg drogë në makinë. Droga që vjen nga Shqipëria për shtetin fqinj është shndërruar në një shqetësim serioz. "Gjysma e territorit të kryeqytetit italian, Romë, është e pushtuar Droga që vjen nga Shqipëria për shtetin fqinj është shndërruar në një shqetësim serioz. "Gjysma e territorit të kryeqytetit italian, Romë, është e pushtuar nga hashashi, i trafikuar kryesisht nga Shqipëria. Droga trafikohej në lagjet e zonës së qendrës dhe në pjesën lindore të qytetit", shkruajnë mediat italiane. nga hashashi, i trafikuar kryesisht nga Shqipëria. Droga trafikohej në lagjet e zonës së qendrës dhe në pjesën lindore të qytetit", shkruajnë mediat italiane. Ky është konkluzioni i operacionit të policisë italiane i koduar "Brothers", i cili ka
çuar dy ditë më parë në arrestimin e 4 personave, vënien nën hetim të 100 personave të tjerë si dhe sekuestrimin e 50 kg drogë e 550 mijë euro cash. Qindra kilogramë drogë, kryesisht hashash i ardhur nga Shqipëria, trafikohej në Romë
nga 4 grupe kriminale italiane, të organizuara mjaft mirë për t'u shpëtuar kontrolleve të policisë, me përfshirjen edhe të mjaft femrave, të cilat fshihnin në banesat e tyre lëndën narkotike. Droga trafikohej kryesisht në lagjet e populluara të Romës, si "Petralata", "Montesacro", "Santa Maria Soccorso", "Casal de'Pazzzi", "Casal Bruciato" etj., ku dhe numri i trafikantëve të vegjël është mjaft i lartë. Trafikohej kryesisht hashash e shumë pak marijuanë e kokainë dhe sipas investiguesve, biznesi i përfitimit nga trafiku i drogës ishte mjaft i lartë. Sipas policisë italiane është një nga skenarët më të mëdhenj të zbuluar deri më sot në panoramën e trafikut të drogës në kryeqytetin italian, me një numër mjaft të madh klientësh konsumatorë të hashashit.