ENDRI DANI PREZANTON SHQIPËRINË NË BIENALEN E INDISË
Kochi-
Muziris Biennale zhvillohet në një nga metropolet moderne/ kozmopolite të Kochi- t me të kaluarën e vet mitike, Muziris, duke krijuar tashmë një platformë të qëndrueshme kulturore, e cila këtë dhjetor do të prezantojë 68 artistë bashkëkohorë ndërkombëtar. Kochi, një qytet i lashtë jugor i Indisë me mitologji të fshehura nën shtresat e baltës rezistoi pas një përmbytje masive në shekullin e 14- të. Ky edicion vjen nën titullin "Forming in the pulin of an eye" ( Formuar në beben e syrit) kuruar nga artisti Indian Sudarshan Shetty. Ky edicion kërkon të mobilizojë një gjuhë të re të kozmopolitanizmit dhe modentitetit të rrënjosur në përvojën e jetuar ku manifestohet në aktin e krijimit duke dialoguar intensivisht me portin e vjetër tregtar, i cili për më shumë se gjashtë shekuj ka qenë lidhës i identiteteve të shumta pluralizmit kulturor dhe multikulturalizmit. Edhe pse në edicionin e tretë, Kochi- Muziris Biennale është kthyer në një nga ekspozitat e rëndësishme ndërkombëtare. Në dy edicionet paraardhëse, Kochi- Muziris Biennale ndër të tjerë ka prezantuar emra te rëndësishëm të artit bashkëkohor si: Yoko Ono, Mona Hatoum, Anish Kapoor, Ai WeiWei, Alfredo Jaar, Jannis Kounellis… ndërsa në këtë edicion gjejmë artistë të njohur si: Aki Sasamoto, Alicja Këade, Stan Douglas, Camille Norment apo Dia Mehta Bhupal. Pjesëmarrës në këtë edicion të tretë të kësaj bienaleje është edhe artisti shqiptar Endri Dani. Dani do të prezantohet me një projekt fotografik të realizuar përgjatë 4 viteve në të gjithë Shqipërinë. ' Kochi- Muziris Fondation' do të bëjë të mundur botimin e një kata- logu dedikuar këtij projekti, i cili do të promovohet përgjatë kohëzgjatjes së kësaj ekspozite. Gjithashtu, në rrjedhën e disa aktiviteteve paralele, Dani ( së bashku me 3 artistë të tjerë) do të jetë pjesë e një paneli diskutimi nën titullin: Heritage as a layer ' Trashëgimia si një shtresë'.