Qeverisja e gjyqësorit, ligji botohet në Fletoren Zyrtare
Kuvendi e miratoi me 87 vota deputetësh
Një
muaj pas miratim it në Kuvend vetëm me votat e mazhorancës, dje u botua në Fletoren Zyrtare ligji "Për organet e qeverisjes vendore". Kuvendi miratoi me 3 nëntor me 87 votat e mazhorancës projektligjin "Për organet e qeverisjes së sistemit të drejtësisë". Ky është dhe ligji i fundit, i mbartur për votim nga seancat e kaluara, pjesë e paketës prej 7 ligjesh që i hap rrugën zbatimit të reformës në drejtësi. Opozita u shpreh kundër votimit të këtij projektligji, pasi sipas saj, amendamentet e paraqitura për të janë në kundërshtim me rregulloren e Kuvendit. "Janë paraqitur 104 amendamente në shkelje të rregullores. Ne duam që shqyrtimi i tyre të bëhet sipas rregullores, duke kaluar më parë nga Komisioni i posaçëm i Reformës në Drejtësi", u shpreh nënkryetari i Komisionit të posaçëm për Reformën në Drejtësi, deputeti i PDsë, Oerd Bylykbashi. Ligji i miratuar përcakton parimet dhe rregullat e organizimit dhe funksionimit të Këshillit të Lartë Gjyqësor, të Këshillit të Lartë të Prokurorisë, të Inspektorit të Lartë të Drejtësisë, të Këshillit të Emërimeve në Drejtësi dhe të Shkollës së Magjistraturës.