"Barna të reja për pacientët me HIV/ AIDS"
Rjepaj: Futen ata që shfaqin rezistencë ndaj antiretroviralëve
Personat
e prekur nga HIV/ AIDS- i të cilët shfaqin rezistencë ndaj barnave antiretroviralë, do të kenë mundësi të kurohen falas me barna specifike". Lajmi është bërë me dije nga zëvendësministri i Shëndetësisë, Klodian Rjepaj, gjatë aktivitetit të zhvilluar në kuadër të Ditës Botërore kundër HIV dhe AIDS. Sipas tij, furnizimi me këto lloj barnash do të fillojë vitin e ardhshëm. "Si element risi është furnizimi me barna antiretroviralë, me barna për ata të sëmurë të cilët shfaqin rezistencë ndaj barnave ekzistuese në Shqipëri", - nënvizoi Rjepaj, ndërsa shtoi se edhe testi i rezistencës do të ofrohet po në këtë mënyrë. Ndërkaq, pavarësisht se ven- di ynë hyn te vendet me prevalencë të ulët ndaj këtij infeksioni, Ministria e Shëndetësisë ka hartuar dy strategji të reja, të cilat synojnë ndërgjegjësimin e popullatës për depistime dhe këshillime falas. Aktualisht, në vendin tonë janë diagnostikuar 984 raste me HIV/ AIDS, nga të cilët 41 janë fëmijë. Për sa i përket shpërndarjes sipas gjinisë, dominuese ngelet gjinia mashkullore, pasi është një fenomen më i përhapur, por edhe më lehtësisht i zbulueshëm.