Tahiri mbledh ish- krerët e Policisë së Shtetit me rastin e 90- vjetorit të krijimit të drejtorisë
Ministri: Përulem me shumë respekt para të gjithëve ju
Ministri
i Punëve të Brendshme, Saimir Tahiri zhvilloi dje një ceremoni me ish- drejtuesit e policisë ndër vite, me rastin e 90- vjetorit të krijimit të Drejtorisë së Përgjithshme të Policisë së Shtetit. Ndërsa, pranë Murit të Kujtesës ata përkujtuan të gjithë ata ish- krerë policie të cilët nuk jetojnë më, si dhe të gjithë efektivët e rënë në krye të detyrës. I pranishëm në ceremoni ishte edhe Kasem Kaçi, ish- kreu i Policisë së Shtetit më jetëgjatë, i cili ka
SAIMIR TAHIRI
Pas meje është e gjithë plejada e drejtuesve të Policisë ndër vite. Janë njerëz që kanë sakrifikuar për të pasur Policinë që kemi sot. Ndaj, unë përulem me shumë respekt para të gjithëve ju, për gjithçka keni bërë. Ju falënderoj në emër të të gjithë punonjësve të Policisë së Shtetit!
qenë për 18 vite në detyrë. Prej vitesh, ai jeton në SHBA, ndërsa kishte ardhur në Shqipëri posaçërisht për këtë ceremoni. "Unë jam i bindur që kjo Polici që sot është e pajisur me të gjitha
mjetet tekniko- shkencore dhe aftësitë profesionale, do të përballojë me sukses të gjitha situatat që do paraqiten përpara. Nuk ka nevojë që Policia Shqiptare të merret nga dikush përdore. Jo! Sot ajo është bërë e fortë, profesionale, e vullnetshme. Me shpirt e me zemër punojnë për të siguruar rendin dhe qetësinë publike", - tha Kaçi për mediat. Ndërsa, ministri Saimir Tahiri pohoi se 90- vjetori i Policisë së Shtetit është një rast për të respektuar dhe nderuar kontributin e të gjithë atyre që kanë drejtuar dhe punuar në Policinë e Shtetit ndër vite. "Ky ishte një rast për mua dhe për të gjithë ne, për të gjithë punonjësit e Policisë sot, për të nderuar kontributin e të gjithë atyre që kanë drejtuar apo punuar në Policinë e Shtetit në të gjitha këto vite. Pra, plejadën e nderuar të të gjithë atyre që kanë sakrifikuar, punuar me vetëmohim për të bërë Shqipërinë në të cilën sot ne jetojmë", - tha Tahiri. Gjithashtu, të pranishëm në këtë ceremoni ishin edhe Artan Didi, Bilbil Mema dhe ishdrejtues të tjerë të Policisë së Shtetit.