Drejtoria e Burgjeve, informacion për lidhje të mundshme familjare mes të dënuarve dhe punonjësve

Vetëm

një ditë pas shpalljes në kërkim të juristit të bur gut të Durrësit, Teodor Labi, Drejtoria e Përgjithshme e Burgjeve ka nxjerrë një urdhër me të cilin kërkon informacion nga të gjitha burgjet në Shqipëri për lidhjet nepotike ( familjare) mes punonjësve të burgjeve. I kërkuari nga policia është djali i ish- nëndrejtorit të Burgjeve, Iljaz Labi, i arrestuar për shpërdorim detyre. Po kështu, Drejtoria e Përgjithshme kërkon informacion edhe për lidhjet e mundshme mes një të dënuari ose të paraburgosuri me personelin e institucionit, raporton “BalkanWeb”. Informacioni duhet të jepet nga Institucionet e Vuajtjes së Dënimit brenda 48 orësh. Urdhri që mban firmën e drejtorit të Përgjithshëm të Burgjeve, Mikolvan Kopani është i bazuar në Vendimin e Këshillit të Ministrave për “Shmangien e nepotizmit në administratën publike brenda një institucioni publik”. Urdhëroj të gjitha Institucionet e Ekzekutimit të Vendimeve Penale të raportojnë në Drejtorinë e Përgjithshme të Burgjeve për lidhjet familjare, lidhjet gjinore apo lidhje krushqie që kanë punonjësit në sistemin e burgjeve sipas kategorive të mëposhtme, në zbatim të VKM Nr. 44, datë 27.1.2006 “Për shmangien e nepotizmit në administratën publike brenda një institucioni publik”, për pikët e mëposhtme: a) lidhje familjare: bashkëshort/ bashkëjetues, bir, bijë dhe fëmijët e tyre; b) lidhje gjinie: prindër, motër e vëlla dhe fëmijët e tyre; c) lidhje krushqie: prind, fëmijë, vëlla/ motër i/ e bashkëshortit/ es, si dhe bashkëshort/ bashkëjetuesi i fëmijëve; 2. Në zbatim të Rregullore së Përgjithshme të Burgjeve neni 14, të raportohet në lidhje me lidhjet punonjës/ i burgosur, në rastet kur i dënuari ose i paraburgosuri ka lidhje gjinie a krushqie me personelin e institucionit. 3. Informacioni të përcillet brenda 48 orëve nga njoftimi i këtij urdhri; 4. Ngarkohen për zbatimin e urdhrit drejtuesit e Institucioneve të Ekzekutimeve Penale; 5. Moszbatimi i këtij urdhri brenda afatit ngarkon me përgjegjësi administrative dhe penale”, shkruhet në urdhrin e Drejtorisë së Burgjeve. 24- vjeçari u shpall në kërkim në lidhje me lirimin nga burgu të Lulzim Berishës, ndërsa u arrestua drejtori i burgut të Durrësit, Astrit Kote. Të dy këta persona akuzohen për falsifikim dokumentesh në lirimin e Lulzim Berishës, pasi kanë llogaritur në mënyrë të kundërligjshme kohën e qëndrimit të burgim të tij.