Ligji “Antimafia”, sekuestrohen pasuritë e Selim Duzhës nga Berati dhe Eugen Gengos nga Korça
Prokuroria: Janë krijuar nga trafiku i drogës në Belgjikë
Prokuroria
për Krime të Rënda ka sekuestruar disa pasuri të paluajtshme si apartament, dyqan dhe sipërfaqe toke ( arë), në pronësi të dy shtetasve, njëri nga Berati e tjetri nga Korça, pasi dyshohet se janë krijuar nga aktiviteti kriminal në Belgjikë. Me anë të një njoftimi zyrtar nga ana e prokurorisë bëhet me dije se pasuritë e sekuestruara u përkasin shtetasve Selim Duzha nga Berati dhe Eugen Gengo nga Korça. Kërkesa për sekuestrim u pranua edhe nga Gjykata e Krimeve të Rënda, ndërsa prokuroria është duke kryer hetim pasuror ndaj këtyre personave dhe familjarëve të tyre, në kuadër të ligjit të njohur si “Antimafia”. Dy personat e lartpërmendur janë shpallur fajtorë dhe
SEKUESTRIMET E FAMILJES DUZHA ( DULE)
Apartament me sipërfaqe 75 m2 në plazh, Durrës. Njësi tregtare ( dyqan) në plazh, Durrës. Tokë ( arë), me sipërfaqe 420 m2 në Berat.
dënuar në Belgjikë së bashku me disa persona të tjerë, pasi janë akuzuar si të përfshirë në trafik dhe shpërndarje lëndësh narkotike në vitet 2013- 2014. Prokuroria për Krime të Rënda nisi hetimin në bazë të kërkesës për ndihmë juridike nga ana e autoriteteve belge, të cilat
kishin krijuar dyshimin se Duzha dhe Gengu kishin transferuar në Shqipëri të ardhura që kishin krijuar nga aktiviteti i tyre kriminal. Kështu, në bazë të hetimeve të deritanishme, prokuroria ka evidentuar disa pasuri të paluajtshme, për të cilat të dyshuarit dhe familjarët e tyre nuk kanë pasur mundësi reale për t’i krijuar me burime të ligjshme financiare. Mësohet se familjes Duzha ( Dule) u janë sekuestruar një apartament me sipërfaqe 75 m2 në plazh, Durrës, njësi tregtare ( dyqan) në plazh, Durrës, si dhe tokë ( arë), me sipërfaqe 420 m2 në Berat. Ndërsa, familjes Gengo u është sekuestruar: tokë ( arë), me sipërfaqe 1450 m2 në Plasë- Korçë; tokë ( arë), me sipërfaqe 865 m2 në Plasë- Korçë; tokë ( arë), me sipërfaqe 790 m2 në Plasë- Korçë; një automjet tip kamion “Man” si dhe një automjet tip “Jeep”. Gjithashtu, në një prej pasurive të paluajtshme, familja Gengu ka si seli edhe një shoqëri transporti, të regjistruar në Qendrën Kombëtare të Regjistrimit ( QKR).