Lavdrim Muhaxheri rikthehet në Kosovë me 400 xhihadistë
Shërbimet sekrete: "Kasapi i Ballkanit" mund të godasë rajonin dhe Europën Dyshimet, sulme terroriste në Shqipëri e Kosovë
Shërbimet sekrete italiane në Kosovë kanë thënë se "kasapi i Ballkanit" mund të jetë kthyer në Kaçanik, një qytet i vogël në Kosovë, në kufi me Maqedoninë, i njohur si qendër e xhihadistëve. Mendohet se ai prej disa muajsh është kthyer në vendin e tij së bashku me rreth 300- 400 anëtarë të Kalifatit Islamik. rreth 300- 400 anëtarë të Kalifatit Islamik. Mbërritja në Kosovë e Lavdrim Muhaxherit duket se është nga Maqedonia në mes të muajit nëntor. Pas kësaj, drejtuesit e shërbimeve sekrete kanë vënë në punë AKI ( Agjencinë Kosovare të Inteligjencës) si dhe njësitë e antiterrorizmit në Shqipëri, Maqedoni e Kosovë. Por xhelati duket se i ka humbur gjurmët sërish. Rikthimi i Muhaxherit në Ballkan, sipas shërbimeve sekrete italiane është konsideruar si një kërcënim shumë serioz, jo vetëm për zonën ballkanike, por edhe për shumë vende të Europës, ku lideri xhihadist nga Kosova ( i futur në listën globale të terroristëve nga SHBA në 2014), ka shumë kontakte dhe është në gjendje që të godasë. Rrjeti xhihadist i ' kasapit' është shumë i degëzuar. Por jo vetëm kaq; Muhaxheri ka një njohje shumë të mirë të armikut të tij, sepse, para se të bëhej një nga krerët e xhihadistëve, ka punuar në bazën amerikane të Bondsteel në Kosovë dhe para kësaj ka punuar për NATO- n në Afganistan. ' Lavdrim Muhaxheri është një kërcënim', shkruante në titullin e tij kryesor "BalkanInsight" në 18 nëntor, menjëherë pas arrestimit të 19 terroristëve që ishin duke përgatitur sulme terroriste në Shqipëri e Kosovë. Objektivi kryesor i terroristëve në fakt, ishte një shpërthim eksplozivi gjatë ndeshjes ndërkombëtare Shqipëri- Izrael, që do të luhej në Shkodër. Por pikërisht këto sinjalizime dhe mbërritja e Muhaxherit në Kosovë, vunë në alarm gjysmën e agjencive sekrete të botës, të cilat shmangën një nga ngjarjet që mund të ishte ndër më të përgjakshmet e viteve të fundit. Të arrestuarit, sipas burimeve nga policia kosovare, ishin koordinuar nga Lavdrim Muhaxheri që nga Siria ku ai ndodhej. Por në ditët kur u zhvillua aksioni, një nga krerët e ISIS- it me origjinë nga Kaçaniku, ishte rikthyer në shtëpi. Ka mundësi që Muhaxheri nuk është nisur më për në Siri, duke parë edhe lidhjet e tij me Italinë. Në dhjetorin e vitit 2015, gjatë operacionit të koduar ' Van Damme', u shkatërrua celula terroriste që operonte mes Italisë e Kosovës dhe që si kreun e saj kishte Samet Imishtin, që banonte mes Breshias dhe Kosovës. Në shtëpinë e të arrestuarit në Kosovë, u gjetën prova të lidhjes së tij pikërisht me Muhaxherin, sipas asaj që shkruante ' Il Giornale'. ' Kasapi' i ri ishte gati për të zbatuar urdhrat dhe të niste një luftë të shenjtë vetëm në Europë; pikërisht me egërsinë që ka treguar në rrjetet sociale dhe me autoritetin e tij donte të shpallte një Kalifat të ri".